Oonakulwa Aakulu ya ningulula oopulanda dhawo konima yokutsakanena nOmupresidende Pohamba

O SHIGONGI shoka sha li pokati kOmupresidende Hifikepunye Pohamba nongundu yiilyo yehangano lyoonakulwa aakulu ongulohi yEtitatu lyoshiwike sha zi ko, osha hulile menyanyu, sho iilyo yehangano ndika ya ningi etokolo lyokweekelahi omadhiladhilo agehe ge li ompinge nepangelo.

Omugandjimulombo gwehangano ndika Alex Kamwi okwa lombwele The Namibian mEtine lya zi ko kutya omatilitho agehe ngoka ya li ya ningile epangelo kutya itaya ka hogolola pethimbo lyomahogololo gomumvo tagu ya nosho wo kutya oya pulanda okuninga ehololomadhiladhilo lya fa ndyoka ya ningile omumvo gwa zi ko mOvenduka, oga ekelwahi. Oshigongi shoka sha ningwa konima yomiyelo dha patwa, osha li sha ithanwa kOmupresidende Pohamba, Amushanga omukuluntu muuministeli wOonakulwa Aakulu William Amagulu ta popi ngaaka mEtine lya zi ko.Amagulu okwa tindi okugandja uuyelele kombinga yoshigongi shika, ta ti The Namibian na ninge ekwatathano nOmbelewa yOmupresidende, ashike mombelewa ndjoka ka mwali nando omuntu ta vulu okugandja uuyelele moshinima shika.Pahokololo lya Kamwi, Pohamba okwa longitha ompito ndjoka okuyelitha omapopyo ga ningilwe okuzilila kombinga yEpangelo nosho wo okutsa omuthindo kutya ota ka ninga omakwatathano nayo shi vulithe omathimbo ga zi ko.”Otwa fatulula etompelo lyetu moshinima shoka twa ningi omumvo gwa zi ko molwashoka aantu yamwe oya li taya popi kutya katwali twa ithanwa ko kombanda.Otwa kwashilipalekwa ngeyi kutya oshinima shoka osha popiwa owala papuko,” Kamwi ta popi ngaaka.Ta ti ngashiingeyi ehangano lye olya tegelela owala Uuministeli wOonakulwa Aakulu wu tameke nokushangitha aantu, unene tuu sho kwa hololwa puuyelele kutya Epangelo olya pulanda okugwedhela oshimaliwa shoka hashi pewa oonakulwa aakulu omwedhi kehe.Epangelo inali hololela ehangano ndika kutya oshimaliwa shoka otashi ka gwedhelwa niingapi, Kamwi ta popi ngaaka.Opu na nee omapopyo kutya Ominista yOonakulwa Aakulu, Ngarikutuke Tjiriange okwa gandja omukanda gwethaneko kOkabinete kutya oshimaliwa shoonakulwa Aakuluntu nashi gwedhelwa okuza pomathele gatanto (N$500) okuya poondola/N$1 500, nenge poondola/N$2 500 nenge nokuli sigo opoondola/N$3 000 komwedhi kehe.Kamwi ta ti ehangano lye oli ilongekidha okukwathela uuministeli mokushangitha aantu.”Pethimbo ndika otu uvite kutya uuministeli kau na aaniilonga yagwana, otashi vulika nee ngiika tu kwathele momaishantitho goonakulwa aakulu,” Kamwi ta popi.Ehangano ndika lyoonakulwa aakulu olya hiya nokuli Omupresidende a ninge Opatolona yehengano lyawo.Konima sho Omupresidende Pohamba a zimine okutaamba ko ekotampango lyawo opo a tale nkene li li, opo ngaa teke ya galukila kombinga yedhiladhilo lyawo kutya oya hala a kale Opatolona yawo, Kamwi ta popi.Minista Tjiriange okwa li a holoka kOtelevisi yOpashigwana ya NBC ongulohi yEtitatu lya zi ko nokugandja oshipopiwa tashi gandja uuyelele moshigwana kombinga yuuministeli we uupe.Minista Tjiriange ta ti okwi inekela ngeyi kutya Ontotwaveta yOnakulwa Aakulu ndjoka ya ziminwa kOmutumba gwOpashigwana pehulilo lyomumvo gwa zi ko, osho tashi ka kala oshimwe yomiinakugwanithwa yotango tayi ka longwa kOmutumba gwOpashigwana sho tagu ka tameka ishewe niilonga yago nuumvo.Omutumba Omutiyali gwOpashigwana nenge tutye National Council ngoka ogwo hagu talulula Oontotwaveta konima ngele dha ziminwa kOmutumba gwOpashigwana, ogwa li gwa shunitha Ontotwaveta ndjika kOparliamende opo mu ka ningwe omalunduluko omashona.Omutumba Omutiyali gwOpashigwana ogwa gandja wo omathaneko ga nkene omalunduluko ngoka ge na okuningwa.Oshigongiilonga shoka tashi ka kundathana nokugandja wo omathaneko kombinga gOntotwaveta ndjika, otashi ka ningwa oshiwike shika poGobabis.Oshigongi shoka sha ningwa konima yomiyelo dha patwa, osha li sha ithanwa kOmupresidende Pohamba, Amushanga omukuluntu muuministeli wOonakulwa Aakulu William Amagulu ta popi ngaaka mEtine lya zi ko.Amagulu okwa tindi okugandja uuyelele kombinga yoshigongi shika, ta ti The Namibian na ninge ekwatathano nOmbelewa yOmupresidende, ashike mombelewa ndjoka ka mwali nando omuntu ta vulu okugandja uuyelele moshinima shika.Pahokololo lya Kamwi, Pohamba okwa longitha ompito ndjoka okuyelitha omapopyo ga ningilwe okuzilila kombinga yEpangelo nosho wo okutsa omuthindo kutya ota ka ninga omakwatathano nayo shi vulithe omathimbo ga zi ko.”Otwa fatulula etompelo lyetu moshinima shoka twa ningi omumvo gwa zi ko molwashoka aantu yamwe oya li taya popi kutya katwali twa ithanwa ko kombanda.Otwa kwashilipalekwa ngeyi kutya oshinima shoka osha popiwa owala papuko,” Kamwi ta popi ngaaka.Ta ti ngashiingeyi ehangano lye olya tegelela owala Uuministeli wOonakulwa Aakulu wu tameke nokushangitha aantu, unene tuu sho kwa hololwa puuyelele kutya Epangelo olya pulanda okugwedhela oshimaliwa shoka hashi pewa oonakulwa aakulu omwedhi kehe.Epangelo inali hololela ehangano ndika kutya oshimaliwa shoka otashi ka gwedhelwa niingapi, Kamwi ta popi ngaaka.Opu na nee omapopyo kutya Ominista yOonakulwa Aakulu, Ngarikutuke Tjiriange okwa gandja omukanda gwethaneko kOkabinete kutya oshimaliwa shoonakulwa Aakuluntu nashi gwedhelwa okuza pomathele gatanto (N$500) okuya poondola/N$1 500, nenge poondola/N$2 500 nenge nokuli sigo opoondola/N$3 000 komwedhi kehe.Kamwi ta ti ehangano lye oli ilongekidha okukwathela uuministeli mokushangitha aantu.”Pethimbo ndika otu uvite kutya uuministeli kau na aaniilonga yagwana, otashi vulika nee ngiika tu kwathele momaishantitho goonakulwa aakulu,” Kamwi ta popi.Ehangano ndika lyoonakulwa aakulu olya hiya nokuli Omupresidende a ninge Opatolona yehengano lyawo.Konima sho Omupresidende Pohamba a zimine okutaamba ko ekotampango lyawo opo a tale nkene li li, opo ngaa teke ya galukila kombinga yedhiladhilo lyawo kutya oya hala a kale Opatolona yawo, Kamwi ta popi.Minista Tjiriange okwa li a holoka kOtelevisi yOpashigwana ya NBC ongulohi yEtitatu lya zi ko nokugandja oshipopiwa tashi gandja uuyelele moshigwana kombinga yuuministeli we uupe.Minista Tjiriange ta ti okwi inekela ngeyi kutya Ontotwaveta yOnakulwa Aakulu ndjoka ya ziminwa kOmutumba gwOpashigwana pehulilo lyomumvo gwa zi ko, osho tashi ka kala oshimwe yomiinakugwanithwa yotango tayi ka longwa kOmutumba gwOpashigwana sho tagu ka tameka ishewe niilonga yago nuumvo.Omutumba Omutiyali gwOpashigwana nenge tutye National Council ngoka ogwo hagu talulula Oontotwaveta konima ngele dha ziminwa kOmutumba gwOpashigwana, ogwa li gwa shunitha Ontotwaveta ndjika kOparliamende opo mu ka ningwe omalunduluko omashona.Omutumba Omutiyali gwOpashigwana ogwa gandja wo omathaneko ga nkene omalunduluko ngoka ge na okuningwa.Oshigongiilonga shoka tashi ka kundathana nokugandja wo omathaneko kombinga gOntotwaveta ndjika, otashi ka ningwa oshiwike shika poGobabis.