Oodemoni dhi iteyela mosikola yaanona ya Okalunga mOndonga

E longo pOsikola yaanona ya Okalunga Primary popepi nOshigambo mOndonga, itali ende we nawa okuza omwedhi gwa zi ko sho lya tameke okupiyaganekwa kOodemoni, aanona yaampoka, unene tuu aakadhona ohaya tameke ashike taya komona komitse nomukalo tagu limbilike noonkondo.

Omukuluntu gwOsikola pOsikola mpoka Johannes Nehale ta lombwele The Namibian, mEtiyali kutya oye li muupyakadhi waanona ya adhika koombepo dhoondemoni. Nehale ta ti kutya okuza momwedhi gwa zi ko Juni, aanona oyendji yopOsikola yawo mpoka, unene tuu aakadhona, oya tameke ashike taya komona komitse noonkondo.Itaya popi nee kutya otaya komonene shike na ohaya uvu shike tango opo ya komone nawa ngawo.”Shampa ashike ya tameke okukomona, iihuna yowala.Itaya longo sha we, oye li ashike mekomono lyawo lya kwata miiti,” Nehale ta ti ngawo nonkumwe.Ta ti kutya oye ya falele koshipangelo kOnandjokwe, ashike ya li kukonakonwa, kaye wetike uuvu washa.”Uupyakadhi mbuka otwe wu lopota kombelewa yOmutaleli nosho wo kOmbelewa onene yElongo mOshitopolwa sha Shikoto noya li ye tu tumine aantu yee ya tale shoka shi li ko.Taye tu tumine wo nAapangi ya konakone, ashike inaya mona po sha,” Nehale ta popi.Ombelewa yOmutalelishikandjosikola shoka sha Shigambo nayo oya koleka kutya kOsikola yokOkalunga oku na shili oshinima shatya ngawo noye li taya ungaunga nasho.Sho naye a monika koThe Namibian, Omuwiliki gwElongo mOshitopolwa sha Shikoto meme Esther Nghipondoka, naye okwa koleke kutya kOkalunga oku na uupyakadhi mboka, ye wu lopotelwa nale kOmutalelisikola noye li taya ungaunga nawo.Mo 2005 sigo omumvo gwa zi ko, Oodemoni odha kala tadhi hepeke uunona pOsikola ya Mumbwenge popepi nOshigambo mOshitopolwa sha Hangwena.Aanona ya kala ye wete aniwa omanima omaluudhe , tage ya pondo noku ya hata pevi.Aanona mbaka oya kala taya kambuka nokukala ya fa ya sa po manga.Oshinima osha li oshidhigu nosha ka eta mpoka, Elelosikola li ithane po nOonganga dhoshiluudhe, oshinima shoka sha ka eta mpoka Omukuluntusikola a kuthwe miilonga pakathimbo.Odha kamwena po lela kehulilo lyomvula ya zi nko, sho posikola mpoka pwa kala tapu ningwa iigongi nomagalikano ga kwata miiti.Pokati mpoka, omvula ya zi ko, Oombepo dhatya ngawo odhi iteyele ishewe posikola yimwe popepi nEenhana mUukwanyama nokukala tadhi hepeke aanona.Aanona ya kala taya nyuwa noonkondo nokukala ya kanitha eidhidhimiko.Sho taya falwa koshipangelo nokukonakonwa, kaye wetike omukithi gwasha.Petameko lyomvula noombepo dha nyata odhiiteyele pOsikola yaanona ya Ndukuta mUukwaluudhi nodhi li ko sigo okonena ndjika.Aanona taya mono aniwa iinima nokukambuka, ya fa mboka yoku Mumbwenge kwali.Nehale ta ti kutya okuza momwedhi gwa zi ko Juni, aanona oyendji yopOsikola yawo mpoka, unene tuu aakadhona, oya tameke ashike taya komona komitse noonkondo.Itaya popi nee kutya otaya komonene shike na ohaya uvu shike tango opo ya komone nawa ngawo.”Shampa ashike ya tameke okukomona, iihuna yowala.Itaya longo sha we, oye li ashike mekomono lyawo lya kwata miiti,” Nehale ta ti ngawo nonkumwe.Ta ti kutya oye ya falele koshipangelo kOnandjokwe, ashike ya li kukonakonwa, kaye wetike uuvu washa.”Uupyakadhi mbuka otwe wu lopota kombelewa yOmutaleli nosho wo kOmbelewa onene yElongo mOshitopolwa sha Shikoto noya li ye tu tumine aantu yee ya tale shoka shi li ko.Taye tu tumine wo nAapangi ya konakone, ashike inaya mona po sha,” Nehale ta popi.Ombelewa yOmutalelishikandjosikola shoka sha Shigambo nayo oya koleka kutya kOsikola yokOkalunga oku na shili oshinima shatya ngawo noye li taya ungaunga nasho.Sho naye a monika koThe Namibian, Omuwiliki gwElongo mOshitopolwa sha Shikoto meme Esther Nghipondoka, naye okwa koleke kutya kOkalunga oku na uupyakadhi mboka, ye wu lopotelwa nale kOmutalelisikola noye li taya ungaunga nawo.Mo 2005 sigo omumvo gwa zi ko, Oodemoni odha kala tadhi hepeke uunona pOsikola ya Mumbwenge popepi nOshigambo mOshitopolwa sha Hangwena.Aanona ya kala ye wete aniwa omanima omaluudhe , tage ya pondo noku ya hata pevi.Aanona mbaka oya kala taya kambuka nokukala ya fa ya sa po manga.Oshinima osha li oshidhigu nosha ka eta mpoka, Elelosikola li ithane po nOonganga dhoshiluudhe, oshinima shoka sha ka eta mpoka Omukuluntusikola a kuthwe miilonga pakathimbo.Odha kamwena po lela kehulilo lyomvula ya zi nko, sho posikola mpoka pwa kala tapu ningwa iigongi nomagalikano ga kwata miiti.Pokati mpoka, omvula ya zi ko, Oombepo dhatya ngawo odhi iteyele ishewe posikola yimwe popepi nEenhana mUukwanyama nokukala tadhi hepeke aanona.Aanona ya kala taya nyuwa noonkondo nokukala ya kanitha eidhidhimiko.Sho taya falwa koshipangelo nokukonakonwa, kaye wetike omukithi gwasha.Petameko lyomvula noombepo dha nyata odhiiteyele pOsikola yaanona ya Ndukuta mUukwaluudhi nodhi li ko sigo okonena ndjika.Aanona taya mono aniwa iinima nokukambuka, ya fa mboka yoku Mumbwenge kwali.