Onotwaveta yomahooli eendululo ashike londjokonona ya kaka yoshikondo sheeshi

Onotwaveta yomahooli oyo tai kundafanwa paife oya talika ko kutya oya fa ashike eendululo lomapuko a ningwa moshikondo sheeshi, omapuko oo a eta oshikumungu shoFishrot momudo 2019.

Oshilyo shopaliamente shongudu yoIndependence Patriots for Change (IPC), Michael Mulunga okwa yandja omaliudo aa pefimbo kwa li ta kufa ombinga meenghundafana donotwaveta mOmutumba wOpashiwana Etivali.

Onotwaveta ei otai pula okutula oshikondo shomahooli noshimoko koshi yombelewa yapresidente.

“Ongomukalelipo woministili younamapya nounaimuna, eeshi, omeva nomatendululo omadu, ombelewa yange oi hadi omanyenyeto ovanailonga moshikondo sheeshi osho natango tashi mono oixuna medina loulingilingi womudo 2019. Fiyo onena, eenghalamwenyo dovakwati veeshi inadi alukila kouwa natango,” Mulunga ta ti.

“Ngaashi tu shi shii atusheni, oupyakadi wavo okwa li wa etwa keumbo eli, eshi la pa oministili yeeshi eenghono inadi ngabekwa i yandje eequota ngaashi minista a hala, puhe na omilandu newiliko la yela.” osho a ti ngaho.

Okwa ti natango ove lihanga monghalo ya faafana nonotwaveta ei, ta weda ko kutya nande epangelo okwa li la faneka li tote eenghono odo, kapwa li nande onotwaveta ya etwa kOmutumba wOpashiwana.

Eshi, okwa ti, otashi udifa nai, unene ngaa kovakwati veeshi ovo omukundu wavo inau talwa nawa ngaashi woshikondo shomahooli.

Okwa pula kutya omolwashike sha endelela unene ngaha, woo omahooli aa otaa ka monika ashike konima yomido kashi shii paife.

Okwa ti ovakwati veeshi ove udite kutya onotwaveta yoinima yeedjo domefuta oyo kwa li i na okukala oshinima shotete tashi kundafanwa kepangelo lipe.

Oshilyo shopaliamente osha weda ko kutya okutambula ko onotwaveta ei otaku eta oshikondo eshi, shi kale ashike tashi wilikwa komunhu umwe.

Okwa ti kutya elunduluko losystema la tya ngaha inali tambulwa ko.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.