Ongundu ya Republican ya edhile

ONGUNDU yo Republican ota yi ka hulitha po oku talika ongo ongundu yopolitika okuza metitano ta li ya.

Omuperesidende gwongundu ndjoka, Henk Mudge okwa tseyitha mehuliloshiwike kutya ye ota ka za mo moshigongi shopashigwana momu 14 ga Kotoba yo ongundu yo RP ta yi hulithwa po ongo ongundu.Mudge okwa popi einekelo lye kutya aayambidhidhi yo RP ota ya ka yambidhidha ongundu yo Rally for Democracy and Progress RDP. Nonando opwa pwa tegelelwa oongundu ndhika dhi ye mumwe meni lyoomvula mbali tadhi landula Mudge okwa ti omahogololo ngoka ga tegelelwa omwedhi tagu ya ogo ga etitha ehengumukilo mumwe ndika li ningwe mbala.Okwa ti etokolo lyokuyele kutya ando okandidate dho RP dhi kuthombinga ongo RDP momahogolo ga taalelwa otashi vulika shi piyaganeke aahogololi.Onkene Mudge okwa ti okwa gandja ethaneko pethimbo lyokongress yo RP kutya ongundu na yi hanagukepo. Okwa ti ka sha li oshinima oshipu oku ziminwa ndele lago enene iilyo ayihe oya tala kuuwanawa wonakuyiwa. Kombinga ye omuperesidende gwo RDP , Hidipo Hamutenya okwa ti ngashingeyi ope na ompito okutunga po ongundu onene ndjoka ta yi ka kondjitha oSwapo.