Ngoloneya waShikoto, Sacky Kathindi, okwa shiivifa opoloyeka tai lalakanene okudinda omeva oshimongwa moshitopolwahoololo, opo a dule okunuwa nokutekela oimeno.
Momapulaapulo loNampa onghela, Kathindi okwa ti otaku ka longifwa oinima yopaungoba yokudinda omeva oshimongwa opo a dule okunuwa nokutekela oimeno, omanga oshimongwa osho tashi didwa mo tashi ka longifwa okutekula eeshi.
Okwa ti oshitopolwahoololo osha pewa oshimaliwa shi fike peemiliyona N$6.4 koEnvironment Investment Fund, shi yambidide opoloyeka, ashike otaku talwa tete koikandjohoololo oyo i li momumbwe yomeva unene ngaashi Nehale Lya Mpingana, Eengodi, Omuntele nOkankolo.
“Omukundu wetu wa kula mOshikoto owa kala alushe omeva okoshi yedu ahapu ashike ee hadi oshimongwa. Paife ohatu lundululile omukundu ou meliko okupitila mounafaalama,” Kathindi ta ti.
Okwa weda po kutya epangelo olo alike itali wanifa po oinima aishe, ta pula elongelokumwe la kola lepangelo noshikondo shopaumwene opo kuyambulwe po okutekula eeshi moshitopolwahoololo.
Kathindi okwa popya kutya eepelesenda di li lwopo80 dovanhu moshitopolwahoololo ode likolelela mounamapya nounaimuna, unene ngaa okulima omahangu nounafaalama woimuna.
Onghee nee, opoloyeka otai lalakanene okwaandjakaneka omaxupilo mokweeta po okutekula eeshi.
Okwa ti oshiwana otashi ka mona omadeulo okutekula eeshi.
Omhito yowina otai ka yandjwa koshikandjohoololo shaMuntele, oko eenhele domeva luhapu hadi teyaulwa po keendjaba.
Omafaneko aa kwatela mo okumboola omboola yowina nokutota po onhele yomeva oifitukuti opo ku kelelwe oiponga pokati kovanhu noifitukuti manga yoo taku yambididwa opolohalama younafaalama weeshi.
Opoloyeka ei otai ka kwatela mo yoo omakonakono nomawapaleko eemboola odo di li po nale, nosho yo okutula po oikondo ishona yokudinda omeva oshimongwa.
“Omeva omOshikoto ee na oshimongwa shaashi otu li popepi nekango lomongwa.
Ngee omafaneko aeshe ndi na aa tulwa moilonga, Oshikoto otashi ka kala shi na omeva a wana moule wokafimbo kaxupi, mutu manga omudo inau pwa ko,” osho a ti ngaho.
-NAMPA
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
