Ounona ve dulife po400 ovo ve na oulema wopamadilaadilo nopalutu inava monenwa eefikola dovanhu ovo va pubwa eyambidido la kwata moiti shaashi moshilongo omu na ashike eefikola dishona dovanhu ovo va pumbwa omayambidido a mana mo.
Eefikola ashike nhatu da nuninwa ovanhu ava – Eluwa Special School kOngwediva, Dagbreek School for the Intellectually Impaired noMoreson i li mOvenduka.
Omunambelewa koMoreson Kamuronga Immanuel okwa ti momusholondodo wavo wokuteelela mu na ounona ve dulife po400.
Ofikola oi na ashike eemhito dounona ve li 214, omo keshe omuhongifikola a pumbwa okukala e na ounona vahetatu.
“Inashi fa ngaashi eefikola dikwao, omo omuhongifikola ta dulu okukala e na ounona ve li 25,” osho a ti ngaho.
Immanuel ota pula oministili yehongo, omaduto oinima ipe, ovanyasha, omaudano, omaunghulungu nomifyuululwakalo i patulule eefikola dihapu dounona ovo va pumbwa eyambidido la kwata moiti moshilongo.
“Oministili nai patulule nande ngeno ofikola imwe keshe moshitopolwahoololo moshilongo ashishe opo di yakule ounona ava.
Nai wede eengulu meefikola odo di li po nale opo ounona vaha kale tava ende oshinano va yuka kofikola kOvenduka,”osho a ti ngaho.
Okwa ti oshikumungu eshi osha twika ovahongifikola omikundu nosho yo oshiwana neefikola yoo shaashi itadi dulu okuvatela ounona ava va pumbwa eymbidido la wedwa po.
Omukulunhufikola koMoreson Kaluvi An okwa ti ofikola yaye oya wedela omwaalu wounona ovo keshe omuhongofikola a pumbwa okuhonga okudja puvahetatu fiyo opo12, nokwa popya yoo vali kombinga yomukundu wokutambulifa ounona peefikola, pakutala komumbwe yoipumbiwa.
“Kashi fi ngeno kutya katu na ovahongifikola noipumbiwa, okutya ashike inai wana,” osho a ti ngaho.
Kaluvi okwa ti ofikola otai ningi osho tai dulu opo i tambule ounona vahapu ngaashi tashi dulika, ta fatulula kutya omufindahongo wavo inau faa weefikola dikwao.
Okwa ti ovadali vamwe ova ninga nale omaindilo ounona vavo konima yomido mbali, ashike natango inava tambulwa.
Omukulunhufikola kofikola yedina Dagbreek Paul du Plessis okwa ti ofikola yaye oi na ashike eemhito dounona ve li 244.
Ina dula okuyandja omwaalu wounona ovo ve li momusholondodo inava tambulwa natango.
Ngeno ofikola okwa li i na eengulu dihapu, ngeno otai dulu okutambula ounona vahapu, osho a ti ngaho.
“Otu na onhele yeengulu dipe.
Eengulu dofikola odo ashike oupyakadi, fyee noho otwa pumbwa eefikola dovanhu ovo va pumbwa eyambidido la kwata moiti dihapu moNamibia,” osho a ti ngaho.
Du Plessis okwa ti ofikola oya ninga eindilo koministili opo i tungilwe eengulu dimwe.
Pamhito ei okwa faneka okutunga eengulu mbali noundjuwo vovamati okupitila momakwashilipaleko nomokwoongela oshimaliwa.
Oministili yehongo oya ti oya uda ko ekemo eli notai dulu ashike okunyamukula konima yomapekapeko.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
