Omukulupe (62) okwa holoka momhangu yamangestrata moKatima Mulilo onghela konima vati a yasha oshinamwenyo shaamenwa ehe na omukanda.
Otaku tiwa kutya omukulupe “okwa yasha ondjaba oyo ya li nadikwao nhee papuko” odo kwa li vati di li mepya laye Olomakaya konguloshi kohambo koMakwatare moshitopolwa shaMakanga.
She likolelela kolopota yoiningwanima yopolifi yOshoondaxa, omutamanekwa okwa li ta shiike epya laye nde te litu meendjaba di li nhee.
“Okwa umba luvali mombada ashike eendjaba inadi ya.
Okwa umba nee vali lumwe a yukifa kombinga oko kwa li eendjaba ndee oholo tai kumu ondjaba imwe, opo nee da shuna nawa konhele oko haku kala eengobe,” opolifi tai ti.
“Ongula yOshoondaxa, omutamanekwa okwa li a lombwelwa komufita weengobe wokohambo i li popepi kutya mepya laye omwa li ondjaba.”
Ovanambelewa okudja koministili yomidingonoko nomatalelepo okwa li va shiivifilwa oshiningwanima eshi, ndee tave ya va konakone olutu londjaba, olo la holola oshipute shoholo medimo kombinga yokolumosho.
Olopota oya ti ondjaba oi na ongushu yoshimaliwa shi fike poN$295 000.
Omukulupe okwa holoka momhangu onghela, omanga epeko tali tuminwa komutamanekindjai a ninge etokolo.
–NAMPA
