OMUDHANITANGA gwospana yetanga lyokoompadhi Victor Helu okwa si olyomakaya konima sho a li a tsuwa momumtse uusiku wetitano lya yi .
Onkundana yeso lya Helu oya kolekwa ku Ronnie Kanhalelo ngoka oye omudheuli gwospana ndjika.Kanhalelo okwa ti okwa tuminwa etumwalaka ndika mongodhi ye oku za kumwene gwospana ndjika, omusamane JJ Doeseb nokutya Helu kekowe.
‘Onda tuminwa etumwalaka ku JJ ta li ti’Victor ke kowee’ na onda popi nomugameni gwospana ndjika George Hummel ngoka a li kuume ka Victor na ye okwe shi koleke kutya okwa sa shili.’Ohsiwinaya ngele ospana tayi kanitha omudhani a tya ngaaka ngaashi Victor, ekanitho ndika olyo ondhimbo onene ku Eleven Arrows.’Okwa li gumwe gwomaadhani yandje yokolela na onda li ndina edhiladhilo kutya omvula ta yi ya ota ka dhana onkandangala mokulonga aadhani yokomeho aape muudhano wosipana yetu.Ndele ngashingeyi sho keepo okwa thiga po omwaka omunene.Eso lya Victor ka ku shiwike kutya olya ende naanaa ngiini.Helu okwa yi kOmbaye konima sho a ningi omudhani gwoEleven Arrows ndele omasiku ngaka okwa galukile kovenduka.Nkene a si naampoka a sile natango kape shiwike na kashi shiwike kutya okwa si ngiini.Omudheuli gwospan yoBrave Warriors Tim Isaac okwa ti ke shi kutya osheende ngiini opo Victor a se.’Onda uvu ashike kutya Victor okwa si aniwa sho a tsuwa momutse. Ota shi vulika shaningilwa moTjomuise moka omo ali ha zi, ndele itandi shi koleke. Na kandina ishewe uuyelele kutya omolwashike a sile na olye emu dhipaga’osho a ti Omutaleli omukuluntu Angula Amulungu okwa ti ina uva sha kombinga yoshiningwanima shoka sho a li a pulwa komatango gosoondaha..’ Kandina uuyelele washa kombinga yeso lya Victor na ina pa etwa oshipotha’ osho a ti.\Helu okwa li omudhanitanga a simana moNamibia.Okwa tameke iilonga yokudhana etanga nospana ya Ramblers 2002, omanga iina joina Civics mo 2007.Okwa li a dhanene Brave Warriors lwotango mo 2002 ya dhana noBotswana.Okwa dhanena Namibia lwo 15.Okudhana kwe moBrave Warriors kwa hugunina okwa li mu Malitsa 2008 na Malawi.
