Ovashingi vaYango otashi dulika va ka kanifa oiyemo yavo molwomikanda davo doilonga itadi manifwa, nande ove na oinima aishe ya pumbiwa.
Oshinima eshi osha popiwa melombwelo la yandjwa kuYango Etine.
Ehangano lomayakulo oyeendifo okomalungula ola ti ovashingi ova yandja omikanda odo da pumbiwa, ndee tava futu oshimaliwa osho va pulwa.
Ashike natango ova kala va teelela fiyo eemwedi o-12 opo omikanda davo doilonga di diminwe koRoad Authority.
Ashike kapu na nokuli efimbo la yela ile ouyelele kutya otadi manifwa naini.
“Peemhito dimwe, otava pulwa va ningulule omaindilo puhe na omatomeno,” Yango ta ti.
Yango okwa ti oshikondo shomauyelele omeepate shopashiwana otashi nyeke ovashingi omhito yavo yokulimonena oiyemo, ta weda po kutya otava pulwa unene oimaliwa ihapu.
Omakateko, Yango okwa ti, aa fininika ovashingi va lande omikanda dopakafimbo hadi fendelwa oshimaliwa shi fike poN$850 komwedi.
Oshinima osho she va twika vali omukundu wa wedwa po wopashimaliwa voo itava dulu nale okulonga va dule okulimonena oiyemo manga va teelela omikanda di manifwe.
“Eshi oshinima shi li metifa tashi pula oimaliwa, ashike kashi na ekwashilipaleko lasha manga, itava dulu okulonga nokumona oiyemo, omikanda oda nuninwa oku va pitika va longe,” osho a ti ngaho.
Ovashingi vaYango ova ti onghalo ei oya “nyika oshiponga komaxupilo,” tava yeleke kutya omo va tala moilonga ei opo va dule okuyambidida eefamili davo.
Ehangano otali pula oministili yoilonga noyeendifo opo i ninge omulandu upu, nokuyandja ouyelele wa yela kombinga yomulandu nokutota omulandu tau pitike ovashingi ovo ve na omikanda notave liufa komalombwelo va twikile oilonga yavo manga omaindilo taa ungaungwa nao.
“Oshikondo eshi okwa li sha ningilwa okwaamena oshiwana. Itashi dulu, okupitila mekateko lomombelewa, okuyandja ehandukilo kukeshe omushingi e li musho,” Yango ta ti.
Ehangano eli lomayakulo oyeendifo opamalungula okwa li la pewa omafiku e li o-28 li liufe koveta ile ngee hasho otali ka fininikwa li xulife po oilonga.
Minista Veikko Nekundi petameko lomwedi ou okwa ti ovashingi otava ka taalela oilanduli okudja koministili yomauyelele nomakwafano opaungoba ngee inave liufa koveta.
Okwa ti oministili oya kundafana navo kefilonghenda okudja odula ya dja ko, ashike inave liufa komalombwelo.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
