Ovakwaita vomomeva vaNamibia ova kwata ko ombautu yokukwata eeshi, yoFU YUAN YU 9878, eshi vati ya kala tai kwata eeshi momeva aNamibia shihe li paveta.
Momukanda wokoikundaneki wa shangwa koministeli yeameno noipambele yoonakulwa vakulu Etivali, ombautu okwa li ya kwatwa ko Oshoondaxa lwopotundi 10h40 kongudu yovakwaita vomomeva vaNamibia, voshikondo shedina NS Elephant, pefimbo kwa li tava patolola koumbangalanhu wefuta popepi neengaba daAngola.
Oministeli oya ti ombautu okwa li tai kwata eeshi ihe na omikanda nokwa li ya hangika i na onete ihadi.
Pefimbo lomakonakono, ovakonakoni voipambele yeeshi ova koleka kutya ombautu kakwa li i na omikanda dokukwata eeshi ile deequota.
Oministeli oya ti osystema yokuutuma omatulwalaka nokutala opo pu na eembautu dikwao yedina Automatic Identification System (AIS), okwa li ya diminwa owina.
Mombautu okwa li mu na ovalumenhu ve li o-22, mwa kwatelwa ovakwashiwana vaChina ve li vanhe novakwashiwana vaAngola ve li o-18.
Oministeli oya ti ovatamanekwa okwa li va teelelika va holoke momhangu yamangestrata mOmbaye noipofa ya yooloka.
“Ovakwaita vomomeva ove litula mo mokukwata ko ovanhu aveshe ovo tava ponokele oikwafuta ngaashi oveta yopashiwana tai pula,” omukanda osho wa ti ngaho.
