Olukongo lwomuwilik gwa New Era masiku lwa pu

ETHIGATHANO molwiilonga yuuwiliki pitithi woshifo sho New Era olili poku manithwa.

Shika osha tseyikwa sho ngashingeyi olukongo ndoka lwa thigalapo ashike naa indili yiilonga mbyoka yeli yatatu.Okandidate ndhoka ndatu dha hogololwa ota ku tiwa adhihe aniwa odhina ekwatathano nenge odha longela ehangano lyokutumina omawi mombepo lya Namibia, nenge Namibian Broadcasting Corporation[NBC]. Oshifo shika osha kundana kutya mboka ya tulwa momusholondondo omuhupi oya kwatelamo Audrin Mathe omukuluntu gwoonkundana noomaliwiko gooprogama moNBC. John Shigwedha ngoka eli omuwiliki gwomakwatathano nomupopiliko gwa NamWater, noshowo nee Stanley Shanapinda omukuluntu gwehangano lyoku wilika iikwa, kwatakanithi moshilongo nenge Cran. Ookandidate adhihe ndhika ndatu odha longela oNBC pethimbo limwe monkalamwenyo yadho. Ota ku hokololwa kutya euliko lyomunambelewa pitithi ngoka olya katekwa oshoka olina oku ziminwa koKabinete, ko haka oka li noshigongi shako sha hugunina oshiwike shayi. Omunashipundi shewilikongundu lya New Era, Ben Mulongeni ina tinda nenge a zimine kutya oya konga nokupopya naaniilonga oyendji mboka yo ya hala andola oyo yuulikwe ongo aakuluntuwiliki ya New Era. Okwa ti shoka a pulwa ke shishi. Oonzo dhayooloka odha ti molwaashoka ondjambi yopo New Era oyili pevi oku yeleka nondjambi ndjoka ha yi monika kwaambaka yatatu pomahala gawo giilonga mpoka ye li ngashingeyi.New Era okwa kala keena omuwiliki okuza tuu nkene Sylvester Black ali inaa shunwamo we miilonga . Oshifo shika kashi na woo omudhindi gwiinyolwa konima sho omudhindi ngoka a totapo oshifo shoka, Rajah Munamava a zilemo miilonga mbyoka mu Juli nuumvo. Omudhindi gwoonkundana, Chrispin Inambao oye a kala ongo omuyakuli mokudhinda oonkundana pehala lya Munamava. Oonkambadahla oku popya naamboka yatatu ina dhi shipondola oshoka mbaka oya li itaa ya yamukula oongodhi dhawo.Ewiliko lyesiku kehe poNew Era olili kohi ya Jeremy Cloete ngoka oye omuwiliki gwiiniwe. Shanapinda omanga inaa ulikwa ongo omuwiliki gwa CRAN okwa li amushanga gwa Telecom noshowo omuwiliki gwiipambele yooveta po Telecom . Shanapinda okwa li omuwiliki gwoprograma yo NBC ya Talk of the Nation, ndjoka wo ya li ha yi wilikwa ku Mathe. Ombelewa ya Shanapinda oya ekelehi onkundana ndjoka ya ti ngoka ina ninga eindilo omolwa iilonga mbyoka noshikwawo keli momusholondondo omuhupi gwaamboka tamu ka kuthwa gumwe opo a ulikwe ongo omuwiliki gwehangano ndyoka.Mathe ngoka ngashingeyi ha wilike oprograma yedhina Inside Politics okwa longele ongo omupopiliko gwehangano lya Roads Authority. John Shigwedha okwali ha wilike oprograma yedhina Afro Connections motiivii omanga inaa ya koNamWater ongo omupopiliko gwehanganoi ndyoka.Edhina etine ndyoka lya fofotolwa kombinga yoshipundi nenge ehala lyiilonga po New Era oondyoka ishewe lyomuniilonga nale po NBC, Stanley Similo ngoka ngashingeyi ha longele ehangano lyoongodhi dhopeke lya Leo.Ndele oonkambadhala okupopya na Similo inadhi pita oshoka pethimbo ndika ota ku tiwa oku li mefudho. Mboka yena uuyelele ota ya ti Similo na Mathe oya li ya pulwa ngele otaya vulu oku taamba iilonga mbika ndele mbaka aniwa oya tindi oku yi taamba. Uupyakadhi wiilonga mbyoka otaku tiwa aniwa itayi futu nawa okuyeleka naampoka aaniilonga mbaka yeli ngashingeyi.Oshifo shika osha kundana kutya ewiliko lya New Era ota li dhiladhila oku tameka ishewe olukongo olupe lwomuwiliki omupe , ngele ina li vula okuhilila gumwe gwaanambelewa mbaka kiilonga yewiliko ya New Era. Iikundaneki yili kohi yepangelo kokutya o New Era noshowo NBC oya li ya pewa oombedhi kutya oya li ta yi lopota shaali nawa kombinga yaanambelewa yepangelo. Gumwe gwaawiliki yepangelo ngoka a li a gandja uusama koNew Era ominista yIikwameni Pendukeni Iivula Ithana ngoka a tile moparliamende kutya epangelo na ethepo oku gandja iimaliwa koNew Era oshoka oshifo shoka itashi longo wee ngaashi sha li sha tegelelwa shi longe. Okwa li a thaneke kutya a oshifo shedhina Southern Times osho nashi nkondopekwe ye New Era a ninge oshifo shopaumwene.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.

The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.