Omulumenhu (55) okwa mangwa po eshi a kwata eeshi kOshakati shihe li paveta, omanga vakwao vavali kwa li va futifwa.
Eshi okwa li sha kolekwa kukomufala wopolifi koshitopolwa shaShana Naftal Sakaria Etivali.
Sakaria okwa ti, oshikonga sha ningwa koilyo yoministili younamapya nounaimuna, eeshi, omeva nomatendululo omadu, neyambidido okudja kopolifi yoshitopolwahoololo, osho sha eta ovanhu va mangwe po nokupewa omahandukilo ofuto eshi va kwata eeshi shihe li paveta metale
lohanya li li konima yokamba yovakwaita mOshakati.
“Omufeekelwa okwa li a mangwa po nokutamanekelwa oshibofa shokutauluka okatendo kokukwata eeshi komudo 2023,” Osho a ti ngaho.
Pakuweda pekwatepo, okwa li kwa yandjwa omahandukilo ofuto eli avali, komulumenhu umwe (41) nomukainhu (39) pefimbo loshikonga, osho a weda po ngaho.
Sakaria okwa holola kutya omufeekelwa womulumenhu okwa pewa ehandukilo eshi a longifa onete oyo inai ufwa okukwata eeshi, omanga omufeekelwa womukainhu kwa li a pewa ehandukilo yofuto eshi a kufa ombinga mokunana onete, omukalo wokukwata eeshi wa ngabekwa.
-NAMPA
