OKOMISI yomahoololo yaNamibia yedina Electoral Commission of Namibia (ECN) natango otai talulula nawa etokolo omo omhangu yopombada ya ninga etokolo tali popile ongudu yoNamibia Economic Freedom Fighters (NEFF) oivike ivali ya pita.
Omupopiliko wokomisi yomahoololo Malauli Siluka Etitatu okwa ti etokolo lokomisi kombinga yoshikumungu eshi otali ka “popiwa pefimbo la wapala”.
Omupedu pelesidente wongudu yoNEFF Kalimbo Iipumbu Etitatu okwa ti ongudu natango otai kundafana nokomisi yomahoololo opo yeendife nawa oshinima eshi.
Okwa ti Omaandaxa okwa li a lombwelwa komunashipundi womutumba wopashiwana Peter Katjavivi kutya oNEFF itai alukile komutumba wopashiwana puhe na omukanda wa dja kokomisi yomahoololo tau koleke kutya ongudu oya nyolifwa.
Katjavivi eshi kwa li taku kendabalwa a dengelwe ina monika Etitatu opo ngeno a dule okuyeleka nawa oshinima eshi.
Iipumbu kwa ti okwa teelela ngeno okomisi yomahoololo opo i fimaneke oshikumungu eshi ndee tai yandje efimbo la yela opo kukelelwe omapiyaaneko.
“Okwa ti okukufa mo oNEFF meengudu dopolitika nokuya moshipala okwa kuma nai oikumungu yongudu.
“Osha eta opo tu kale inatu ninga omafaneko eekambaina nosho yo okuya moshiwana, nosho yo omaupyakadi meenghendabala dokwoongela oshimaliwa,” Osho a ti ngaho.
Natango osha piyaaneka omayandjo ouyelele kovayambididi nokulilongekidila omahoololo oo tee ya, osho a weda po ngaho.
“Otwa kala nokutalulula omilandu detu tu kwashilipaleke kutya otwe lilongekidila nawa omahoololo oo tee ya noinima yopolitika,” Iipumbu osho a ti ngaho.
Okwa ti oNEFF oye lilongekida okutula moilonga omikalo diwa domeni dokulonga mo oinima aishe ya pamba oshimaliwa.
“Otwa faneka okukala hatu ningi omavalulo keshe efimbo nomadeulo oilyo opo tu kwashilipaleke okuluufa keemhango ndee hatu kelele oinima i li ngaha iha ningwe vali monakwiiwa,” Osho a ti ngaho.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!