Namibia okwa tambula ko oipongolo yovanadolongo vakulu vopolitika koRobben Island, Petrus Niilenge naFestus Nehale, pamwe navakwao vamwe ovo kwa li va fudikwa koSouth Africa.
Presidente Netumbo Nandi-Ndaitwah okwa tambula ko oipongolo ei koHosea Kutako International Airport mOvenduka Etitano.
Momukanda, Nandi-Ndaitwah okwa ti oipongolo ei otai holola onghendabala yokwaalula efimano laavo va yamba eemwenyo davo memanguluko laNamibia.
Presidente okwa ti oshinima eshi otashi ningwa mokuyandja efimaneko komapendafule aNamibia.
Oipongolo ei okwa li ya twalwa kolabolatoli yomakonakono opaungoba yopolifi mOvenduka oko ya kufwa onghela eshi ya ka fudikululwa komaendo omapendafule mOvenduka onghela.
YA FUDIKULULWA … Oipongolo yovakondjeli manguluko ovo kwa li va fudikwa moSouth Africa ya fika keumbo Etitano ndee tai fudikululwa onghela.
Okweeta oipongolo ei keumbo okwa ningwa eshi Namibia ta twikile nokuyandja efimano kwaavo va kufa ombinga mekondjelo manguluko pefimbo loukoloni.
Oipongolo ei oya kufwa koSouth Africa ongonghendabala yokwaalulila keumbo omapendafule aNamibia oo a xulifila kondje yoshilongo.
