AANIILONGA yehangano lyokuwilika uupale woondhila moshilongo,[Namibia Airports Company] ota ya dhiladhila oku ninga ekanka. Shika oya hala oku shi ninga konima sho aniwa ya landithwapo kehangano lyaaniilonga yomepangelo Napwu moshinima shetungululo lyiilonga ya NAC.
Ehangano ndika olya lalekele aaniilonga ayehe ya shune komagumbo pehulilo lya Maalitsa nuumvo. NAC konima yoku tidha aaniilonga mboka okwa ka kuta ishewe oyendji yomwaambaka, ndele omuthika gwoondjambi dhawo ogwa shuna pevi oku yeleka nomuthika gwoondjambi pethimbo ya li inaaya tidhwa miilonga aniwa.Sigo oompaka aaniilonga 70 oya shaina nale omushangwa ngoka tagu ulike kutya opena omathaneko goku ninga ekanka meni lyomasiku gaali.O The Namibian oya li ya pula Ominista Yaaniilonga nOnkalonawa, Immanuel Ngatjizeko kombinga yoshinima shika, ngoka a ti okwa li a gunu ehangano ndyoka opamwe nOshikondo shIilonga kutya oya pumbwa oku landula omautho ga tulwapo koveta yAaniilonga. Ngatjizeko okwa ti ndele mokushitala , oshinima shoka inashi landula naanaa omautho goveta yaaniilonga ngaashi shina oku kala.Omuprima Minista , Nahas Angula sho a popiwa naye okwa ti okwa li a kundathana newilikongundu lya NAC noshowo ewiliko lyehangano ndyoka lyesiku kehe, ndele ka li a itaalithwa komafatululo gawo kutya mbaka oya li ya landula omautho goveta yAaniilonga. Amushanga gwa kwaalukehe, gwa Natau, John Kwedhi okwa ti aaniilonga po NAC oyi ipyakidhila nokuhwahwameka aaniilonga ooyakwawo puupale auhe uhetatu kombinga yethaneko lyokuninga ekanka.Shika ota ye shi ningi opo ya longe pamautho goveta yaaniilonga.Aanawino kombinga yiilonga mboka ya popiwa nayo koThe Namibian oye wete Napwu a landithapo aaniilonga mboka sho a zimine elundululo monkalo yiilonga yawo yaana omauwanawa kaaniilonga ayehe.Shika aniwa oshaningwa oshoka Napwu ina soshimpwiyu kutya aaniilonga mboka oya shuninwa iilonga yawo ye li pomuthika omupe gwoshito, gwoopalekwa nenge gwa shunwa pevi.Uuthemba wa Napwu oku kalelapo aaniilonga owa li wa hulupo mu Maalitsa, ndele mboka owa lelepekwa uule woomwedhi ndatu.Oshinima shika osha popilwa kwaamushanga gwa Napwu , Peter Nevonga ngoka a ti nonando ehangano lye kalya li we lina iilyo oyindji po NAC itashi ti kutya ndika olyo ehulilo lyalyo okupopilako aaniilonga.Okwa ti opena omautho ngoka gena oku landulwa. Nevonga sho a pulwa kombinga yekanka lya dhiladhilwa ,okwa ti ehangano lye kali namo oshitopolwa momalongekidho ngoka.
