Ehangano olo hali havaleke ovakaulupe oshikuvila shavo shokomwedi ledina NamPost ola shiivifa omafiku okuyandja opendjela muJanuali 2026, tali londwele ovo hava mono opendjela kutya kapu na nande eyambidido tali ka yandjwa shihe fii momafiku oo a tulwa po.
Ouyelele otau ti, ovo ve na oukalata vaNamPost SmartCard ova mona okapendjela kavo okudja momafiku 06 Januali fiyo ahetatu.
Ovakulupe noilema otava ka tambula okudja momafiku 12 fiyo 14 Januali, taku landula opendjela younona oyo tai ka yandjwa momafiku 15 fiyo 17 Januali.
Opendjela yovakwanaluhepo otai ka yandjwa momafiku 19 fiyo 20 Januali.
NamPost okwa ti ovo hava mono omauwa otava pulwa opo ve liufe komafiku oo a tulwa po opo paha ka kale nande omikundu.
Ehangano natango ola shiivifa kutya eengudu dalo odo hadi i moshiwana di ka kwatife opendjela ode lilongekida nale di li meenhele da yooloka moitopolwahoololo ya yooloka moshilongo okudja momafiku 06 Januali 2026 opo ovo hava tambula opendjela vaha kale tava ende oinano ileile.
Omafiku opendjela yakeshe efiku otaa ka kala nokushiivifwa koradio yoNBC, naavo hava tambula opendjela otava indilwa opo va kale nokushikula nawa va dule okuuda kutya opo hava tambulile opendjele otai ya po naini.
NamPost okwa londwela kutya otashi dulika opolohalama yokuyandja opendjela i ka lunduluke mokati komwedi.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
