Ehangano ledina Rossing Foundation nofikola yedina Katutura Youth Enterprise Centre (Kayec) mOndangwa ova li momhangu yopombada oshivike sha dja ko konima ehangano la tokola li taataye mo endiki lomadulo ovanyasha monhele yalo eshi vati inali wanifa po omaudafano ohiila.
Kayec oha yandje omadeulo opaungoba meenhele nhee da yooloka moshilongo, mwa kwatelwa kOndangwa.
Momudo 2013, ehangano eli nendiki lomadeulo ovanyasha okwa li va ya meudafano lohiila yedu kOndangwa, opo Kayec kwa li ta tungu endiki laye lomadeulo.
Omahangano aa avali aa kala nokuyandja omadeulo mendiki omu.
Kayec kakwa li a pulwa a fute ohiila yedu eli kehangano, ashike okwa itavela okukala ta futu oiniwe yomayakulo amuni.
Okwa li yoo a pumbwa ediminino okudja koRossing ngee a hala okuninga elunduluko lasha ketungo.
Rossing okwa twala oshipofa komhangu momudo 2023, tashi popi edopo lokuyandja oumbangi womafutilo omayakulo amuni nomalunduluko ketungo inaa pewa ediminino.
Ehangano otali ti Kayec okwa dopa okuwanifa po eudafano lokondalaka, nonghee nee okwa pumbwa okufiya po edu nendiki lomadeulo.
Kayec oinima aishe ei okwe i likanyuna ndee ta yandje oumbangi kutya okwa futa omayakulo amuni yee okwa kundafana novakulunhuwiliki vakulu kombinga yomafaneko okuninga omalunduluko.
“Oshinima eshi shopaife osha kumwifa oKayec naame mwene.
Eshi nee sha ninga oshimina shidjuu unene kapu na nande onghendabala ya ningwa komukulunhuwiliki woRossing Foundation mupe a kundafane noKayec ile ovawiliki vayo va kundafane elunduluko eli,” omuwiliki woKayec Thomas Newton osho a ti ngaho mehokololo laye.
Kayec okwa ti omahangano aa avali aa kala nokulongela kumwe mokuyandja omadeulo koshiwana nohiila okwa li eudafano lombinga imwe yakula yelongelokumwe.
Oshipofa osha undulilwa komesho momafiku 16 Marsa.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
