Oministili yehongo, omaduto oinima ipe, ovanyasha, omaudano, omaunghulungu nomifyuululwakalo oya pitifa elondwelo li li ominge neembumbo noinima ihe li mondjila mokutambulifa ounona eshi eefikola depangelo tadi lilongekida di tameke momudo 2026 moshivike oshitivali shaJanuali.
Elondwelo e li oli li momukanda wokoikundaneki wa nyolwa kuMbumba Erastus Haitengela, omukulunhuwiliki woministili, omo a kwashilipaleka elitulemo loministili lokuyambula po oushili, elongo lopauyelele nouyuki metambulifo lovanafikola meefikola depangelo.
Momukanda, Haitengela okwa lombwela ovanailonga aveshe moshikondo shehongo, eembelewa doikandjohongo neembelewa dopaitopolwahoololo ve likaleke kokule nokutambula eembumbo noimaliwa, omaano opo va tambulife ovanafikola.
Okwa ti kutya omaliumbato e li ngaho inaa tambulwa ko nandenande mokatendo komayakulo oshiwana komudo 1995 nosho yo momilandu dovanailonga vepangelo, oo tau wilike omaliumbato, oushili noinima yomondjila momayakulo oshiwana.
Omukulunhuwiliki natango okwa dimbukifa ovawiliki voikwaveta opo va wilike nawa ovapedu vavo nokulonga pauyuki vaha teye nande oveta.
Ngee ova dopa okuninga oshinima osho, oministili oya ti, otashi talika ko kutya okuhena ko nasha.
Pakuweda po, okatukulwa 114 kokatendo kehongo lopedu komudo 2020 otaka pula ovahongifikola va yambule po omilandu diwa keshe tuu mekwatafano lavo novanafikola.
“Keshe omunailonga ta hangika ta kufa ombinga moinima i li ngaha ota ka katukilwa onghatu opo tashi dulika nokutulilwa mo oshipofa shoshimbuluma,” Haitengela osho a londwela ngaho.
Ovadali novatekuli vounona navo okwa li va londwelwa vaha yandje nande eembumbo opo va monene ounona vavo eenhele.
Oministili oya ti kutya oinima ya tya ngaha otai teya omilandu douyuki noveta oyo tai wilike oshikondo shehongo.
Haitengela natango okwa yeleka kutya omatambulifo ounona naa ningwe puhe na oukonakono.
Okwa yeleka kombinga yomukandalandu woCircular Form Ed 05/2025, oo wa pitika eefikola di pule okamaliwa kashona keefooloma domatambulifo inaka koya poN$10, ta yeleke kutya oshimaliwa osho inashi longifwa okumonena okaana onhele.
Oministili oya yeleka kutya ehongo oli li oufemba wekotamhango koshi yokatendo 20 kekotamhango laNamibia ndee ola pumbwa okumonika okupitila momilandu dopauyelele, dekwatelamo dihe na okatongotongo.
Oshiwana otashi indilwa shi lopote keshe oshinima tashi pulwa shihe li paveta okupitila meembelewa dehongo dopaitopolwahoololo opo ku amenwe ongushu yosystema yehongo laNamibia.
– NAMPA
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
