Ongudu yovaleli vongudu yoNamibia Economic Freedom Fighters (NEFF), i kwetelwe komesho komupedu presidente Kalimbo Iipumbu, okwa li ya shakena napresidente Netumbo Nandi-Ndaitwah Etine va kundafane kombinga yoinima ya fimana yopashiwana, mwa kwatelwa oilonga, oundjolowele, oipambele yoilonga nomayambukepo opashiwana.
Presidnte Netumbo Nandi-Ndaitwah okwa li a tambula ko ongudu ei meumbo lepangelo, ta shi holola elitulemo laye olo a ninga pefimbo kwa li ta popifa nokuyandja ouyele koshiwana odula ya dja ko lokukundafana neengudu adishe dopolitika.
Okwa yelekela ewilikongudu loNEFF efimano leenghundafana nelelo la kwatela mo ovanhu aveshe mewiliko loshilongo.
“Nanye yoo ovaleli mwa hoololwa.
Onghee nee, ondi na okukundafana nanye opo ndi dule okuwilika ombelewa oyo nde lineekelelwa, onda fimaneka omadilaadilo ovaleli vamwe ovo va hoololwa va kalele po omauwa ovanhu vavo.
Olo elalakano olo,” Nandi-Ndaitwah osho a ti ngaho.
Eshi kwa li ta popi noikundaneki, Iipumbu okwa popya kutya ova kundafana napresidente kombinga yeyooloko pokati komutengenekwafaneko netulomoilonga loinima moshili.
Okwa holola elimbililo kombinga yomaudaneko taa endululwa oo inaa wanifwa po natango, unene ngaa moikondo oyo ya fimana mokuyambula po eliko.
Okwa ti ova yelekela presidente efimano lomutengenekwafaneko tau endele pamwe neemumbwe dokuxwepopeka oshikondo shounamapya nounaimuna nosho yo oshikondo shoundjolowele, ta weda po kutya eenghendabala doshilongo inadi kala ashike eenghundafana dongaho ashike nakutalwe yoo ketulomoilonga.
“Eshi hatu popi osheshi kutya otwa hala osho hatu ka yandja momutengenekwafaneko shi tale lela kwaashi twa yeleka, kutya oikondo ei oya pumbwa okuyambulwa po.
Oshikondo ngaashi ounamapya nounaimuna noundjolowele inai kala ashike omapopyo; natu ye ndee hatu tula moilonga.
Ngee oimaliwa oya yandjwa, natu yeni; natu tale komafaneko ndee hatu kwashilipaleke kutya omafaneko aa otaa longo.
Natu kuteni ovanhu vetu; natu va deuleni opo va ningile sha oshiwana eshi,” osho a ti ngaho.
Oshinima shimwe osho sha kundafanwa okuhena oilonga taku i pombada, oko, Iipumbu ta ti, otaku eta oluhepo neenghono nokuya moshipala eyokomesho lopashiwana.
Iipumbu okwa popya kutya okuungaunga novanyasha vehe na oilonga okwa pumbwa elongelokumwe moikondo ya yooloka ndee ta popi efimano lokuxwaxwameka oikondo oyo tai dulu okukuta ovanhu ovo ve na omauhongelwe, manga ta popi yoo vali kombinga yoikondo oyo iha di unene ngaashi oundjolowele nehongo.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
