Omuprima minista Elijah Ngurare okwa ti Namibia ita ka mana po omahooli, shaashi omahooli ahapu hae ya moshilongo ohaa di koNigeria, India nokoEuropa.
Eshi oshe ya konima oilongo ngaashi Botswana ya shiivifa kutya otashi dulika i ka mane po omahooli diva sha landula oita oyo i koushilo wopokati.
Ngurare oshinima eshi okwe shi popya pefimbo leenghundafana novanangeshefa kOshakati Etitano.
“Omahooli oo e li moshilongo aa wanena eemwedi nhatu. Kashi li yoo mondjila okwaa tuvikila eemwedi hamano ile di dule po shaashi omaaholi nao ohaa nyanauka.
Oto dulu ashike okwaa tuvikila efimbo lonhumba,” osho a ti ngaho.
Okwa weda po kutya omahangano eli anhe haa lande omahooli kondje yoshilongo okwa li a yandja ouyelele kepangelo mafiku aa.
“Osho kwa li twakwashilipalekelwa osheshi kutya eepelesenda ashike di lwopo20 no30 domahooli oo hee ya moNamibia hadi di koushilo wopokati.
Eshi otashi ti opu na eedjo dimwe di lili.
Okwa li yoo vali twa kwashilipalekwa kutya eetenga odi li mondjila ndee paife, otashi dulika da fika,” Ngurare ta ti.
Okwa weda po kutya: “Eshi otashi ti ohava mono omahooli okudja koIndia, Europe nokoilongo ikwao.
Ouyelele uwa oo twa mona oyou kutya TotalEnergies oha lande omahooli aye amwe koNigeria, osho tashi ti oha lande muAfrica.
Eshi oshe tu eta pondodo apa kutya, ngee twa kumwa koinima ei yopolitika, omolwashike itatu landifafana ponhele yokukala twe likolelela muvakwetu?”
Ngurare okwa ti ita ti oinima aishe oi li kolutenda, unene ngaa kombinga yoinima yoludi eli.
Okwa ti vali epangelo itali dulu okukufa omahooli koAngola, shaashi otaa feekelwa kutya aa fa a pama kashona.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
