Duminga Ndala a ulikwa a ninge omunashipundi woYowa

Omuleli wovanyasha wopashiwana wongudu yoLandless People’s Movement Duminga Ndala okwa ulikwa a ninge omunashipundi wehangano lovakainhu ledina Young Women of Africa.
Ndala oshinima eshi okwe shi koleka koThe Namibian Etine.
“Okwa li nda ulikwa Oshoondaxa,” osho a ti ngaho.
Ouyelele wa yandjwa oshivike eshi kehangano loYoung Woman of Africa (Yowa) ola ti Ndala ota ka kalela po ehangano pashiwana nokoitufi yopaunyuni, nota ka kwatela yoo komesho nokuyambidida okomitiye yovakulunhuwiliki.
“Ota ka tula po omulandu naasho ehangano tali lalakanene,” omukanda osho wa shangwa ngaho.
Ehangano ola ti Ndala ota ka popila omulandu noinima ipe oyo i li mouwa wovanyasha ovakainhu muAfrica.
Yowa elyenge lopanenedu nehangano la totwa momudo 2021 olo hali hanganifa ovanyasha ovakainhu okudja pomido 16 fiyo 40 moilongo i li 39, ve li nghonopeke, okulitwa omukumo nokuyambididafana.
Ehangano eli otali lalakanene okuteya po omikundu odo da kundukida ovakainhu ngaashi eehombo dounona nokuyambula po efikopamwe lopaukakwashikekookanhu menenedu laAfrica.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.

The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.