Omupedu minista wehongo, omaduto oinima ipe, ovanyasha, omaudano, omaunghulungu nomifyuululwakalo Dino Ballotti okwa udaneka kutya ota ka kala nokutalela po eefikola oshilongo ashishe a kwashilipaleke nokunghonopeka ekalelepo loinima neyambidido la fimana lovahongifikola.
Eshi kwa li ta popi peyandjo lomapapa ovahongifikola mOvenduka Etine, Ballotti okwa ti omatalelepo aye itaa ka shiivifwa oo natango itaa ka ningilwa oivilo, ashike otaa lalakanene okuweda ongushu meefikola nomokati kovahongifikola.
“Ohandi ka talela po eefikola adishe ndee etalelepo lange itali ka shiivifwa. Oto ka mona nge ashike potundi 06h50,” osho a ti ngaho.
Elalakano, okwa ti, okukundafana meyukililo novahongifikola nounona opo a pwilikine omaupyakadi oo ve na.
“Ondi wete kutya moshitopolwahoololo shaKhomas omu na oikwafifohongo okuyelakanifa noitopolwahoololo ikwao,” osho a ti ngaho.
Omupedu minista okwa indila ovahongifikola va kale ve na omukumo, nande ovanailonga pamwe navo vamwe itave shi endifa nawa.
“Inamu teka omukumo ngee mushiinda shoye ita longo nelitulemo ngaashi ove. Inandi hala oshinima osho shi mu teye omukumo,” Ballotti osho a ti ngaho.
Okwa weda po kutya oitwa kai na sha noukwatya womunhu.
Omukulunhu wehongo moshitopolwahoololo shaKhomas Paulus Nghikembua naye okwa popya oshinima sha faafana, ta ti kutya ombelewa yehongo otai ka tameka okutalela po eefikola da hoololwa i nghonopeke ekalelepo loinima.
Eefikola odo da hoololwa mo otadi ka pulwa di kalele po oidjemo yehongo lado, omanga yoo tadi ka mona omayambidido di yambuke po opo sha pumbiwa.
Nghikembua okwa ti eyandjo lomapapa oshinima sha fimana.
“Eshi efimaneko lelitulemo nelongo noudiinini la hololwa keefikola, ovahongifikola novanafikola,” Nghikembua osho a ti ngaho.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
