Aanahambo yAawambo ya za mo mOkavango

A ANAHAMBO yAawambo mboka ya lombwelwa kOmpangu yOpombanda meti 11 Februari 2008 kutya naya ze mo mUukwangali mOkavango moompadhi oontalala, osho ya zi mo Oshiwike sha zi ko, ashike otaya nyenyeta kutya kaye na mpoka taya tula iimuna yawo molwashoka omahala kombinga yOwambo oga tulwa moondhalate kaanafaalama yamwe.

Olyomakaya ga zi ko, ooyene yiimuna naanahambo yawo oya li ya gongala pomukunda Sasi, mepandaanda lyopokati kongamba ya Kavango nOwambo niimuna yawo. Sasi omukunda gu li muuninginino wOkavango mUukwangali.Aanahambo taya kwatelwa komeho kOmunashipundi gwEhangano lyAanahambo Aawambo mboka ya kala mOkavango Vilho (Kabila) Hamunyela, oya ningi oshigongi shehololomadhiladhilo po Sasi noya li ya hiya Elelo lyOndonga, lyUukwanyama nolya Uukwangali, nosho wo Ngoloneya gwa Hangwena nosha Kavango, Uuministeli wOmavi nOmatulululo nosho wo Opolisi.Ooyene yOongombe naanahambo yawo oya li ya gongala nawa mepandaanda lyongamba ya Wambo nOkavango.Elelo lyUukwangali olya li lya kalelwa po ku Amushanga gwalyo Abisai Namwila, omanga lyUukwanyama lya kalelwa po kOmunashipundi gwalyo Elenga enene lya Eudaneko tatekulu George Nelulu nosho wo kElenga enene lyOshikandjo sha Kongo tatekulu Stefanus Weyulu naathindikili yawo.Ngoloneya gwa Kavango John Thiguru naye opo a li mpoka, omanga Ngoloneya gwa Hangwena, a li a kalelwa po kOmunambelewa Omukuluntu gwa Hangwena Daniel Kashikola.Elelo lyOndonga nUuminsiteli wOmavi ina ya holoka.Gumwe gwomEhangano lyAanahambo yAawambo, Simon Sheuyange, oye a lesha omukanda gwomanyenyeto gawo nokugu pa nee Omunambelewa Omukuluntu gwa Hangwena Kashikola.Omukanda gwomanyenyeto ngoka ogwa shangelwa Omupresidende Hifikepunye Pohamba.Taya pula a ye mo oonyala moshinima shika shokutidhwa mOkavango.Yamwe mUukwangali oya yi mo mo 1980 nosho wo mo 2000, sho oshilongo sha manguluka.Oya pewa aniwa uulithilo komalenga gopiitopolwa mpoka ya thikila, nosha li wo sha taambiwa ko nokOmukwaniilwa Daniel Sitentu Mpasi ye mwene.Aniwa inaya kala nuupyakadhi okuzilila kElelo lyUukwangali, ashike okuya mo 2004 no 2005 opwe ya uupyakadhi wa zilile kOmukwaniilwa gwUukwangali Tatekulu Sitentu Mpasi nElelo lye kumwe nElelo lyOmavi gAayehe mOkavango.Taya ti mo 2005 oya ningile omahololomadhilaadhilo shi na sha netidho lyawo mUukwangali mOkavango moka.Taya lombwele Omupresidende kutya poompito adhihe ndhoka mbali dhokuninga omahololomadhiladhilo, pEenhana noshowo pOmuthiya, oya li ya shangele Epangelo oombapila dhomanyenyeto gawo, moka ya ti kutya yo kaye na uudhigu wokuza mOkavango, oshampa ashike taya pewa ehala lyomaulithilo kombinga yOwambo.Ashike otaya ti sigo okonena, inaya yamukulwa kEpangelo.Taya ti aniwa oya ka mona oombapila tadhi ya tidha mOkavango dha zi kElelo lyOmavi mOshitopolwa shAayehe sha Kavango.Taya ti kutya oya ka tula mo oshipotha moka taya indile Ompangu yoPombanda yi ya popile, nOmpangu, oya ningi etokolo kutya naya shune mo manga oshinima tashi talwa nawa.Pokati mpoka, aanahambo taya ti, Elelo lyUukwangali olya ningi eindilo kOmpangu yoPombanda oshipotha shoka shi shunwe mo, nosha shuna mo shili, nometi 11 Febuluali nuumvo, Ompangu yoPombanda oya ningi etokolo kutya Aanahambo mboka naya ze mo mo mOkavango noya zi mo nee ngeyi mOlyomakaya ngaka ga zi ko.Sho nee ya zi mo ngeyi, kaye na mpoka taya tula iimuna yawo kombinga yokOwambo, oshoka kaku na omahala.Taya pula wo kElelo lyUukwangali kutya nge otaya vulu tuu okushuna mOkavango ya ka konge mo iimuna yawo mbyoka ya kanena mo.Yamwe oya kala ye na mo omapya notaya pula kutya otaya vulu tuu okukapongolola iikunwa yawo, noshomwo okuteya mo iilya yawo.Taya pula wo kutya iimuna ashike ya tidhwa mo mOkavango nenge naantu? Mokati kooyene yiimuna ya kala mOkavango omu na wo oomeme, noposhigongi shoka shomOlyomakaya opwa li oomeme ye na iimuna yawo mOkavango moka kwali, ngashi nee meme Lonia Kaimbi, Martha Haikoti, Justina Kafidi na meme Mirjam Haiketi.Otaya ti kutya oya li ya gandja oongombe dhawo kootate yaanahambo ye ke dhi lithe pamwe nodhawo, ashike nee sho dha tidhwa mo ngeyi, kehe gumwe oku na okuungaunga noongombe dhe.Mokutaamba ko Ombapila yawo yomanyenyeto, Kashikola okwa ti kutya ote ke yi pa Ngoloneya Nghaamwa, ngoka te ke yi tuma kOmupresidende Pohamba.Sasi omukunda gu li muuninginino wOkavango mUukwangali.Aanahambo taya kwatelwa komeho kOmunashipundi gwEhangano lyAanahambo Aawambo mboka ya kala mOkavango Vilho (Kabila) Hamunyela, oya ningi oshigongi shehololomadhiladhilo po Sasi noya li ya hiya Elelo lyOndonga, lyUukwanyama nolya Uukwangali, nosho wo Ngoloneya gwa Hangwena nosha Kavango, Uuministeli wOmavi nOmatulululo nosho wo Opolisi.Ooyene yOongombe naanahambo yawo oya li ya gongala nawa mepandaanda lyongamba ya Wambo nOkavango.Elelo lyUukwangali olya li lya kalelwa po ku Amushanga gwalyo Abisai Namwila, omanga lyUukwanyama lya kalelwa po kOmunashipundi gwalyo Elenga enene lya Eudaneko tatekulu George Nelulu nosho wo kElenga enene lyOshikandjo sha Kongo tatekulu Stefanus Weyulu naathindikili yawo.Ngoloneya gwa Kavango John Thiguru naye opo a li mpoka, omanga Ngoloneya gwa Hangwena, a li a kalelwa po kOmunambelewa Omukuluntu gwa Hangwena Daniel Kashikola.Elelo lyOndonga nUuminsiteli wOmavi ina ya holoka.Gumwe gwomEhangano lyAanahambo yAawambo, Simon Sheuyange, oye a lesha omukanda gwomanyenyeto gawo nokugu pa nee Omunambelewa Omukuluntu gwa Hangwena Kashikola.Omukanda gwomanyenyeto ngoka ogwa shangelwa Omupresidende Hifikepunye Pohamba.Taya pula a ye mo oonyala moshinima shika shokutidhwa mOkavango.Yamwe mUukwangali oya yi mo mo 1980 nosho wo mo 2000, sho oshilongo sha manguluka.Oya pewa aniwa uulithilo komalenga gopiitopolwa mpoka ya thikila, nosha li wo sha taambiwa ko nokOmukwaniilwa Daniel Sitentu Mpasi ye mwene.Aniwa inaya kala nuupyakadhi okuzilila kElelo lyUukwangali, ashike okuya mo 2004 no 2005 opwe ya uupyakadhi wa zilile kOmukwaniilwa gwUukwangali Tatekulu Sitentu Mpasi nElelo lye kumwe nElelo lyOmavi gAayehe mOkavango.Taya ti mo 2005 oya ningile omahololomadhilaadhilo shi na sha netidho lyawo mUukwangali mOkavango moka.Taya lombwele Omupresidende kutya poompito adhihe ndhoka mbali dhokuninga omahololomadhiladhilo, pEenhana noshowo pOmuthiya, oya li ya shangele Epangelo oombapila dhomanyenyeto gawo, moka ya ti kutya yo kaye na uudhigu wokuza mOkavango, oshampa ashike taya pewa ehala lyomaulithilo kombinga yOwambo.Ashike otaya ti sigo okonena, inaya yamukulwa kEpangelo.Taya ti aniwa oya ka mona oombapila tadhi ya tidha mOkavango dha zi kElelo lyOmavi mOshitopolwa shAayehe sha Kavango.Taya ti kutya oya ka tula mo oshipotha moka taya indile Ompangu yoPombanda yi ya popile, nOmpangu, oya ningi etokolo kutya naya shune mo manga oshinima tashi talwa nawa.Pokati mpoka, aanahambo taya ti, Elelo lyUukwangali olya ningi eindilo kOmpangu yoPombanda oshipotha shoka shi shunwe mo, nosha shuna mo shili, nometi 11 Febuluali nuumvo, Ompangu yoPombanda oya ningi etokolo kutya Aanahambo mboka naya ze mo mo mOkavango noya zi mo nee ngeyi mOlyomakaya ngaka ga zi ko.Sho nee ya zi mo ngeyi, kaye na mpoka taya tula iimuna yawo kombinga yokOwambo, oshoka kaku na omahala.Taya pula wo kElelo lyUukwangali kutya nge otaya vulu tuu okushuna mOkavango ya ka konge mo iimuna yawo mbyoka ya kanena mo.Yamwe oya kala ye na mo omapya notaya pula kutya otaya vulu tuu okukapongolola iikunwa yawo, noshomwo okuteya mo iilya yawo.Taya pula wo kutya iimuna ashike ya tidhwa mo mOkavango nenge naantu? Mokati kooyene yiimuna ya kala mOkavango omu na wo oomeme, noposhigongi shoka shomOlyomakaya opwa li oomeme ye na iimuna yawo mOkavango moka kwali, ngashi nee meme Lonia Kaimbi, Martha Haikoti, Justina Kafidi na meme Mirjam Haiketi.Otaya ti kutya oya li ya gandja oongombe dhawo kootate yaanahambo ye ke dhi lithe pamwe nodhawo, ashike nee sho dha tidhwa mo ngeyi, kehe gumwe oku na okuungaunga noongombe dhe.Mokutaamba ko Ombapila yawo yomanyenyeto, Kashikola okwa ti kutya ote ke yi pa Ngoloneya Nghaamwa, ngoka te ke yi tuma kOmupresidende Pohamba.