ONGUNDU yo Congress of Democracy oya lundile epangelo kutya olina ondjo moshina sheindjipalo lyaantu yeli momahala giipeleki nenge momahala gayalwe.
CoD okwa lundile holomende shalandula etokolo lyayo okwaapitika evi pomukunda ngoka li pewe aantu mboka yeli hala okuza omumvo 2004. Amushangandjayi gwa CoD, Tsudao Gurirab okwa ti oondjindikila ndhoka nadhi kuthwepo mbala opo aantu yavule okumona evi nokwiinyangela yoyene.Gurirab okwa ti okukala nevi osha simana kuuhupilo waakalimo yomo Groot Aub, mboka ya thikama maanafaalama aashona naamboka yeli mopenzela.Okwa ti oshisithahoni kutya aantu mbaka otaya mono iihuna nonando kayeli kokule noshilandopangelo. Okwa tsikile tati oshafa shili ngaaka kutya evi pomukunda ngoka otali landithwapo kaanambelewa yoSwapo taya longele kumwe newiliko lyoshitopolwa sha Khomas.Aakwashigwana ya Groot Aub oya ningile oshigongi omwedhi gwayi na oya indile kansela gwa Khomas Rural, Frederick Arie opo eya pulakene. Oya li ya longekidha woo okugandja omushangwa gwomanyenyeto ku Arie, ngoka a ti kutya aniwa ina uva sha, ye ishewe kenamo oshitopolwa moshinima shokugandja evi shaali paveta kaantu oohandiwe po Groot Aub.Gurirab okwa ti epangelo olya pumbwa okulonga pamwe noshigwana nopamwe newilikongundu lyasho pehala lyokushimbandameka nokushiluka omadhina.Okwa tsikile tati oshaanawa ngele epangelo otali kwatha oshigwana opo shi vule okwiikwatha shoshene, peha lyokukala komeho mokweetapo oluhepo.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
