Ehangano lokwoongela ohonde laNamibia ledina Blood Transfusion Services of Namibia (NamBTS) ola koleka omumbwe yohonde ya kula, pu na ashike ohonde tai wanene omafiku atatu paife.
Omupopiliko woNamBTS Frieda Asino-Vatileni okwa koleka koThe Namibian Omaandaxa kutya ehangano otali indile koshiwana neenghono shi yandje ohonde, ta ti okuyandja ohonde okwa fimana mokuxupifa eemwenyo.
Okwa ti ohonde oyo i li po yomomafiku 08 Januali oyo ashike i li po ndee opuwo.
Omumbwe oye ya po pefimbo eshi oiponga yomeendjila natango i li popepi moshilongo ashishe, osho tashi eta omumbwe yohonde ihapu kuyakulwe ovanaudu ovo va mona oiponga.
NamBTS okwa li a totwa mulotete laJanuali 1987 opo a yandje ohonde ya wana, ya amenwa noyopamufika.
Oku na eenhele di li hamano dokuyandjela ohonde daalushe: mbali mOvenduka, Ondangwa, Ombaye nOshakati.
Ovanhu ovo ve na eedula di li pokati ko16 fiyo 70 otava dulu okuyandja ohonde ndee nava kala ve na oshivixa shi li peekilohalama 50.
