Ehangano lokwoongela ohonde moshilongo ledina Namibia Blood Transfusion Services of Namibia (NamBTS) ola shiivifa Omaandaxa kutya otali ka ninga okakilika kokuyandja ohonde mOkahandja nena.
Okilinika otai ka kala mOkahandja Town Hall noi li ombinga yeenghendabala dokutwa ovanhu omukumo va yandje ohonde pefimbo e li lopaasha.
Momukanda wokoikundaneki wa shangwa Omaandaxa, NamBTS okwa indila oshiwana shi yandje ohonde, ta yeleke kutya okuyandja ohonde lumwe otaku dulu okuxupifa eemwenyo nhatu.
“Ohatu twikile nokutunga po omukalondjiikilile wopashiwana wokuninga oinima tashi di komutima, ovayandji vohonde itava futwa ndee hatu indile ovo ve na ohonde yoludi lo-O , va yandje ohonde opo i vatele okuxupifa ovanaudu ngaashi oomeme ovo hava kanifa ohonde neenghono pefimbo lokumona ounona, ovanaudu vokaangela novanaudu ovo va ya moiponga i nyanyalifa naavo va pumbwa omatando a yooloka mokati kavakwao,” omukanda osho wa ti ngaho.
Ola yeleka yoo vali kutya nande opu na omiti da xuma, kapu na nande oumwe hau i ponhele yohonde, osho sha ninga okuyandja ohonde ku kale kwa fimana neenghono. “Okuyandja ohonde ihaku kunghundipaleke omunhu. Olutu ohali ningi ohonde oyo ya yandjwa meendelelo, osho tashi vatele olutu li twikile nokulonga nawa.”
Ehangano, ola ti, otali twikile nokuxwaxwameka okuyandja ohonde taku di komutima, ovanhu itava futwa konima va yandja ohonde nokutwa ovanhu ovo tava dulu okuyandja ohonde omukumu ve li pokati komido 16 no70, ve na oshivixa shi fike peekilohalama o-50 nove li moundjolowele uwa, opo va kufe ombinga.
“Waimina ehangano lokuyandja ohonde laNamibia, momwedi wopaasha, pakuya mo, to tonyo ohema yoye ndee to ningi ependafule moshiwana,” omukanda tau ti. –NAMPA
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
