Yaali ya sila moonkambadhala dhuufuthi

O KUMATUKA kwOpolisi momapandaanda ga Venduka oshiwike sha zi ko okwa thigi aafuthi yaali ya sa konima owala yOboloka yOpolisi mondjila onene ya Venduka naRehoboth pondje ya Venduka.

Oshiningwanima shika osha li sha ningwa mEtitatu lyoshiwike sha zi ko konima sho kwa lopotwa kutya aafuthi mbaka oya yaka ohauto ontokele yoNissan yiikoto iyali. Omufekelwa omutiyali okwa yahwa nokweehamekwa nokwa tulwa miipandeko kOpolisi.Mboka yatatu oya li ya mohauto yoNissan V6 ndjoka kwa li kwa lopotwa kOpolisi ya Namibian kutya oya yakwa omutenya gwOlyomakaya ga zile ko.Opolisi oya popi ngeyi kutya konima sho ya ndopa okumona ohauto ndjoka mehuliloshiwike ndyoka, oya li ya mono ohauto ndjoka pehala limwe inali tumbulwa molukanda lumwe mOvenduka mEtitatu lyoshiwike sha zi ko.Oya li nee ya ningi onkambadhala yokuhadha nokukonakona ohauto ndjoka ya kolele ngele oyo ndjoka ya lopotwa ya yakwa nenge aawe ihe aafuthi mboka oya fadhuka po.Opolisi oya tameke nee okutidha ohauto ndjoka nokugandja elombwelo kOpolisi yopobloka ya Rehoboth yi kale komalwilo ya tegelela.Opolisi oya kundukidha aafekelwa mboka oometa owala dhontumba pondje yobloka ndjoka.Aafekelwa mboka oya ningi oonkambadhala okuhenuka obloka ndjoka sho ya pitile moplota yilwe yi li pooha dhobloka ndjoka.Otaku popiwa kutya oplota ndjoka oya Trasco Group.Pahokololo lyomugandjimulombo gwOpolisi ya Venduka, Marx Hipandua, Opolisi oya umbu oohololo dhelondodho, ashike aafekelwa inaya sitopa natango.Opolisi oya tameke nee okuumba ohauto ndjoka kolutu nooholo odha yaha aafekelwa.Omufekelwa ngoka a hupu kooholo dhOpolisi ngoka kwa popiwa owala kutya oye MJ Timoteus, oye a li ta hingi ohauto ndjoka.Okwa falwa mbala nosiputa koshipangelo.Opolisi oya adha mohauto moka mu na omandini gomahooli gane, limwe olya li lya udha omahooli gondiidesela.Oya adha mo wo iinima yilwe ngaashi okaalita ka Namibia, oondooha dhoohi, omahini, oomboloto, nokandjato ke na oshimaliwa shoondola/N$1 160 koomuma.Oonomola dhohauto odha lundululwa nosho wo ndjoka yopekende opo ohauto ndjika kaayi dhimbululwe kOpolisi, Opolisi tayi hokolola ngaaka.Osha fa shi li ngeyi kutya aalumentu mboka oya li ya yi koplota ndjoka nethimbo ya ka longekidhe nawa ondjila yawo, molwashoka omakumba goplata ndjoka oga yonagulwa, Opolisi tayi hokolola.Mwene gwohauto ndjoka ngoka a thiki pehala lyoshiningwanima muule wowili yimwe okwa hokolola ngeyi kutya ooshapi dhohauto ye odha li dha yakwa megumbo lye omwedhi gwa zi ko.”Omuniilonga megumbo okwa hokolola kutya okwa uvu omainyengo pethimbo a li ta opaleke megumbo.Ashike sho a tala nawa ina mona nando omuntu,” ta popi ngaaka.Ohauto ndjika oya yakwa po Engen Service Station pOsiingela mu Katutura mOvenduka.Mwene gwohauto ndjika ngoka e li omulongisikola pu yimwe yomoosikola mOvenduka okwa hokolola kutya okwa li moshigongi shi na sha nOsikola pethimbo ohauto ye ya yakwapo ngaaka.Okwa pandule unene Opolisi sho ya kwata ohauto ye, ashike okwa holola euvo nayi lye sho aantu yaali ya dhipagwa pethimbo lyolukongo lwohauto ye.”Omupya omunene sho aalumentu mboka yaali ya sile mpaka, ashike nashi kale oshilongwa ku yalwe mboka ye na edhiladhilo lyafa ndika.Opolisi ya Namibia otayi ki idhidhimikila we nando omaulayi gatya ngaaka,” ta lombwele aatoolinkundana ngaaka.Omukuluntu gwopevi gwOpolisi ya Muni gwa Venduka Nathanael Nendongo okwa popi kutya Ndjayi gwEtanga lyOpolisi ya Namibia okwa indile kutya naku katukwe oonkatu dha yaga kegonga shi na sha nuufuthi wiihauto unene tuu moshitopolwa sha Venduka.Otaku popiwa kutya otashi vulika aalumentu mboka ya longitha oondjila dhi shiwike ndhoka hadhi longithwa okufala iihauto ya yakwa ku Angola.”Iihauto oya fa oko hayi ka landithwa hoka,” onzo yimwe yOpolisi tayi popi ngaaka.Okatse kiifundja kokoAngola oka adhika ku gumwe gwomoonakuyahelwa mohauto ndjoka.Omufekelwa omutiyali okwa yahwa nokweehamekwa nokwa tulwa miipandeko kOpolisi.Mboka yatatu oya li ya mohauto yoNissan V6 ndjoka kwa li kwa lopotwa kOpolisi ya Namibian kutya oya yakwa omutenya gwOlyomakaya ga zile ko.Opolisi oya popi ngeyi kutya konima sho ya ndopa okumona ohauto ndjoka mehuliloshiwike ndyoka, oya li ya mono ohauto ndjoka pehala limwe inali tumbulwa molukanda lumwe mOvenduka mEtitatu lyoshiwike sha zi ko.Oya li nee ya ningi onkambadhala yokuhadha nokukonakona ohauto ndjoka ya kolele ngele oyo ndjoka ya lopotwa ya yakwa nenge aawe ihe aafuthi mboka oya fadhuka po.Opolisi oya tameke nee okutidha ohauto ndjoka nokugandja elombwelo kOpolisi yopobloka ya Rehoboth yi kale komalwilo ya tegelela.Opolisi oya kundukidha aafekelwa mboka oometa owala dhontumba pondje yobloka ndjoka.Aafekelwa mboka oya ningi oonkambadhala okuhenuka obloka ndjoka sho ya pitile moplota yilwe yi li pooha dhobloka ndjoka.Otaku popiwa kutya oplota ndjoka oya Trasco Group.Pahokololo lyomugandjimulombo gwOpolisi ya Venduka, Marx Hipandua, Opolisi oya umbu oohololo dhelondodho, ashike aafekelwa inaya sitopa natango.Opolisi oya tameke nee okuumba ohauto ndjoka kolutu nooholo odha yaha aafekelwa.Omufekelwa ngoka a hupu kooholo dhOpolisi ngoka kwa popiwa owala kutya oye MJ Timoteus, oye a li ta hingi ohauto ndjoka.Okwa falwa mbala nosiputa koshipangelo.Opolisi oya adha mohauto moka mu na omandini gomahooli gane, limwe olya li lya udha omahooli gondiidesela.Oya adha mo wo iinima yilwe ngaashi okaalita ka Namibia, oondooha dhoohi, omahini, oomboloto, nokandjato ke na oshimaliwa shoondola/N$1 160 koomuma.Oonomola dhohauto odha lundululwa nosho wo ndjoka yopekende opo ohauto ndjika kaayi dhimbululwe kOpolisi, Opolisi tayi hokolola ngaaka.Osha fa shi li ngeyi kutya aalumentu mboka oya li ya yi koplota ndjoka nethimbo ya ka longekidhe nawa ondjila yawo, molwashoka omakumba goplata ndjoka oga yonagulwa, Opolisi tayi hokolola.Mwene gwohauto ndjoka ngoka a thiki pehala lyoshiningwanima muule wowili yimwe okwa hokolola ngeyi kutya ooshapi dhohauto ye odha li dha yakwa megumbo lye omwedhi gwa zi ko.”Omuniilonga megumbo okwa hokolola kutya okwa uvu omainyengo pethimbo a li ta opaleke megumbo.Ashike sho a tala nawa ina mona nando omuntu,” ta popi ngaaka.Ohauto ndjika oya yakwa po Engen Service Station pOsiingela mu Katutura mOvenduka.Mwene gwohauto ndjika ngoka e li omulongisikola pu yimwe yomoosikola mOvenduka okwa hokolola kutya okwa li moshigongi shi na sha nOsikola pethimbo ohauto ye ya yakwapo ngaaka.Okwa pandule unene Opolisi sho ya kwata ohauto ye, ashike okwa holola euvo nayi lye sho aantu yaali ya dhipagwa pethimbo lyolukongo lwohauto ye.”Omupya omunene sho aalumentu mboka yaali ya sile mpaka, ashike nashi kale oshilongwa ku yalwe mboka ye na edhiladhilo lyafa ndika.Opolisi ya Namibia otayi ki idhidhimikila we nando omaulayi gatya ngaaka,” ta lombwele aatoolinkundana ngaaka.Omukuluntu gwopevi gwOpolisi ya Muni gwa Venduka Nathanael Nendongo okwa popi kutya Ndjayi gwEtanga lyOpolisi ya Namibia okwa indile kutya naku katukwe oonkatu dha yaga kegonga shi na sha nuufuthi wiihauto unene tuu moshitopolwa sha Venduka.Otaku popiwa kutya otashi vulika aalumentu mboka ya longitha oondjila dhi shiwike ndhoka hadhi longithwa okufala iihauto ya yakwa ku Angola.”Iihauto oya fa oko hayi ka landithwa hoka,” onzo yimwe yOpolisi tayi popi ngaaka.Okatse kiifundja kokoAngola oka adhika ku gumwe gwomoonakuyahelwa mohauto ndjoka.