Presidente wongudu yoPopular Democratic Movement, McHenry Venaani okwa hala oikondo ngaashi shehongo noundjolowele, oyo tai twikile nokumona omutengenekwafaneko uhapu, i kale tai vixwa she likolelela koidjemo yayo.
Oshinima eshi Venaani okwe shi popya mOmutumba wOpashiwana Etitatu, manga kwa li ta kufa ombinga meenghundafana domutengenekwafaneko wepangelo womudo woshimaliwa 2026/27.
Nande ehongo noundjolowele oinima ya fimana panghalafano, oku udite kutya epangelo ola pumbwa okutameka okutala oidjemo yoikondo ei ponhele ashike yokukala tali longifa oimaliwa ihapu moikondo omu, Venaani ta ti.
“Natu tameke okuyeleka osho hatu longifa naasho hatu mono mo.
Ohatu longifa unene oimaliwa ihapu mehongo ashike kapu na oidjemo ya sha, ohatu ningi ovanhu ovo va ninga oinima i li mondjila nawa ashike kave na efiku va mona oidjemo oyo va hala,” osho a ti ngaho.
Venaani okwa ti epangelo ola pumbwa okudilaadila nawa opo li mone oidjemo oyo la hala moikondo omu hali longifa oimaliwa ihapu.
Okwa londwela vali kutya ngee kapu na okulundulula omayakulo oshiwana oshimaliwa osho hashi longifwa meendjabi, otashi twikile okukala omukundu wakula kepangelo, onghee nee omalunduluko naa fimanekwe.
Okwa ti vali oshilongo osha hala okutameka okunduluka oinima, ashike natango itapa monika pa fa pu na ouyelele kutya osha hala okunduluka shike.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
