Omuleli wongudu yoPopular Democratic Movement McHenry Venaani Etitatu okwa pula minista woilonga noyeendifo Veikko Nekundi kutya omolwashike omuleli wongudu yomilameno yopambelewa ina pewa natango osheendifo shepangelo osho shi li shimwe shomomauwa aye.
Odula ya dja ko, omuleli wongudu yo Independent Patriots for Change Panduleli Itula okwa ti Imms Nashinge, oo e li omuleli wongudu yomilameno yopambelewa mopaliamente, ita tambula omauwa okudja kepangelo shaashi omhito oyo okwa li ya totwa shihe li pakotamhango.
“Onda hala okupula kutya onaini tamu yandje oinima yomuleli wongudu yomilameno yopambelewa.
Amushe ovafimanekwa, ndee omu na omatuwa eni, ashike yee (Nashinge) ke na sha, oshinima eshi osho mwa ninga nge eshi nda li mombelewa,” Venaani osho a pula ngaho.
Menyamukulo, Nekundi okwa kwashilipaleka kutya shama ashike epangelo tali yandje oyeendifo keeminista dOkabinete, omuleli wongudu yomilameno yopambelewa naye ota mono yaye.
“Eshi ashike omufimanekwa a ya mombelewa yaye, onda kala handi pula keshe efimbo.
Ngaashi mu shi shii, okwa li kwakelelwa mangha pakafimbo okulanda oyeendifo, ndee pefimbo opo, kakwa li kwa landwa oyeendifo, ndee oshinima osho osha fininika epangelo lipe li longife oyeendifo ya longa nale,” osho a ti ngaho.
“Ashike konima yelombwelo lopakafimbo, oyeendifo okwa li ya landwa ndee tai pewa eeminista nombelewa yapresidente.
Okwa li nda lombwelwa kutya oyeendifo okwa li ya yandjwa komufimanekwa, ashike okwa anya.”
Nekundi, nande ongaho, okwa ti okwa lombwelwa kutya oyeendifo ipe otai fiki diva, ndee ngee ya fiki, omuleli wongudu yomilameno yopambelewa ota pewa osheendifo.
Okwa ti omalongekido otete okuyandja osheendifo okwa li aanywa, ta weda po kutya Nashinge okwa li a pewa oyeendifo ivali – oPrado noFortuner – oyo Nekundi a ti okwe i alula.
Okwa ti paife ova teelela eePrado dipe inadi enda nale, odo kwa li a lombwelwa kovanhu ovo ve na oshinakuwanifa shoyeendifo, nokwa udaneka a kalele po oshinima eshi.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
