Ovatamanekwa vatano ove livaka modolongo kOngwediva onguloshi yEtitatu mokati koufiku.
Vati ovafeekelwa ava ova teta meembuli dodolongo.
Onghee nee opolifi otai pula evatelo koshiwana moku va konga.
Shelikolelela komupopiliko wopolifi moshitopolwa shaShana, Thomas Aiyambo, ovatamanekwa vati ovateta oipeleki meembuli ndee tave livake mo.
Aiyambo okwa ti oshinima eshi okwa li ashike sha dimbulukiwa kovanambelewa ovo va li moilonga konima yomakonakono haa ningwa keshe efiku, eshi kwa li va mona eemhadi da fa de lihonyaeka.
“Otaku tiwa kutya ovatamanekwa ova longifa oshinima shihe shiivike okuteta omuvelo woshela ndee tava longifa natango oshinima shihe shiivike okuteta oipeleki mombada,” osho a ti ngaho.
Eshi ovanadolongo va ka valulwa okwa kolekwa kutya ve li vatano kave mo.
Ovo ve livaka mo ovo nee, Angula Shindinge, e shiivike nawa nedina Mapadi, kwa li a mangwa po shi na sha neteyo leumbo, Erastus Bravo, kwa li a mangwa po shi na sha nomahepeko omomaumbo, Hangula Jesay Bishop naMartin Kabila Pohamba aveshe va mangwa molwomakwatongonga naGwiilondo Lonny Simanya a dja kOmaalala a mangwa po kwa li shi na sha nonghendabala yedipayo neteyo leumbo.
“Oveshe ovo ve livaka mo okwa li va kalekwa modolongo puhe na obooloha,” Aiyambo osho a ti ngaho.
Opolifi otai indile oshiwana shi yambidide nouyelele tau dulu okumangifa po vali ovanhu ava.
Keshe oo e na ouyelele kutya ove li peni na dengele oshitaashi shopolifi shaNgwediva konomola 081 387 4555, ile a dengele inspekta Namupala konomola 0812149311, ile oshitaashi shopolifi shi li popepi. Aiyambo okwa ti omakonakono opolifi otaa twikile.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
