Eekomufala dopolifi dopaitopolwa hoololo oda ti itadi pitike nande meedolongo mu tulwe eengumi shaashi otashi eta ashike omakwatongonga ahapu.
Oshinima eshi oshe ya konima ovanandjungu voHIV-AIDS va pula meedoolongo mu tulwe eengumi meendelelo konima oThe Namibian ya lopota oipofa i li 24 yomakwatongonga a kwatela mo ovanadolongo ya didilikwa momudo 2023/24.
“Itandi popile nande eyandjo leengumi meedolongo, shapo okuhonga nokuyandja ouyelele kutya okukwata vakwao eengonga okwa nyika oshiponga ngahelipi,” komanda wopolifi koshitopolwahoololo shaMusati Ismael Basson osho a ti ngaho.
Okwa ti kutya omakwatongonga ohaa ningwa nande ope na ile kape na eengumi.
Omupedu komisina Fredrick Ndjadila okwa ti fiyo oveta “ya tulwa po”, ita popile nande okuyandja eengumi meedoolongo.
“Ngee kapu na oveta, ohatu longifa oveta oyo i li po paife,” osho a ti ngaho.
Okwa indila ovanadolongo ve li kaleke kokule “noinima i li ngaha”, ta weda po kutya ove li moshiponga shokukwatwa koHIV-AIDS nosho yo omikifi dikwao odo hadi tandavele okupitila moixulo.
Komufala wopolifi koshitopolwahoololo shaKunene Eric Clay ita popile nande okuyandja eengumi meedoolongo naye.
“Inandi lopotelwa nande oshipofa shi li ngaho moshitopolwahoololo shange,” osho a ti ngaho.
Minista woipambele yomeumbo, omatembu neameno Lucia Iipumbu okwa shiivifa omwaalu woipofa yomakwato keenghono meedolongo momutumba wopashiwana Etine.
Komufala wodolongo yevyulonghalo yaNamibia Raphael Hamunyela Omaandaxa okwa anya okutya ko sha koshikumungu shi.”
Onda popya eshi nda popya nale koshinima eshi ndee kandi na sha vali osho handi dulu okupopya.
Ame omutuli ashike moilonga.
Oshikumungu eshi kashi na sha naame,” osho a ti ngaho.
Monakudiwa, Hamunyela okwa lombwelele oDesert Radio kutya okutula eengumi meedolongo otaku yandje etumwalaka kutya ovanadolongo “otava i moixulo”.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
