Vahamano vomwaavo tava tamanekelwa oshipofa shekengelelo noulingilingi kehangano lopashiwana lomahooli ledina National Petroleum Corporation of Namibia (Namcor) ova pewa obooloha konima etalululoindilo lavo momhangu yopombada mOvenduka.
Omhangu oya yandja obooloha yoshimaliwa shi fike poN$50 000 kovanangeshefa Peter naMalakia Elindi, omukunhuwiliki mukulu woNamcor Imms Mulunga, nomunambelewa mukulu akula woshimaliwa waNamcor Jennifer Hamukwaya, ndee tai pe omunambelewa akula mukulu woNamcor Olivia Dunaiski naLeo Nandago, metokolo la yandjwa Etitano.
Ovatamanekwa ava vahamano ova kala konima yekumba oule weemwedi di dule puhetatu okudja ngaa eshi kwa li va mangwa po muJuli.
Mepangulo letalululoindilo, omupanguli Philanda Christiaan okwa ekelashi elombwelo lomhangu omo ovatamanekwa va vahamano kwa li va anyenwa obooloha momhangu yamangestrata mOvenduka muSeptemba odula ya dja ko.
Christiaan okwa ti, omupanguli Eileen Rakow naye okwa twa kumwe netokolo laye, ta ti kutya “opu na oinima ihapu tai pukifa yoo itai tu kumwe noveta” metokolo lamangestrata oo kwa li e va anyena obooloha.
“Mangestrata okwa dopa, okukonakona oumbangi nawa koshi yomilandu dokuyandja obooloha, okwe likolelela unene koinima tai kondjifafana yoshipofa shepangelo,” Christiaan ta ti.
Omhangu oya yandja elombwelo kutya ovatamanekwa ava ve li vahamano inava ninga omaindilo omikanda domalweendo fiyo oshipofa shavo sha manifwa, neekopi delombwelo lomhangu yopomba kombinga yetalululoindilo lavo neekopi deepasporta davo di na omafano avo nomauyelele nadi yandjwe peengaba adishe doshilongo, koHosea Kutako International Airport nokoEros Airport.
Peter naMalakia Elindi naNandago inava dja mo moshitopolwa shaNdangwa, Mulunga, Hamukwaya naDunaiski inava dja mo mOvenduka inava shangela omukonakoni woshipofa omukanda, omhangu osho ya ti ngaho.
Peter naMalakia naNandago okwa li vali va lombwelwa opo va kale tave lilopota kokomisi yokulwifa oimbuluma kOshakati keshe Omaandaxa nEtitano, manga Mulunga, Hamukwaya naDunaiski ve na okulilopota kombelewa yokomisi yokulwifa oulingilingi mOvenduka Omaandaxa nEtitano.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
