Eshi Beatus Iiyambo a dja komukunda wavo a ya kOvenduka oshikando shotete muJanuali, meme waye okwa li e udite nawa eshi omonamati a mona oilonga moshilando.
Ashike nee, Iiyambo (25), oo a dja komukunda Onakaheke moshitopolwahoololo shaMusati, nghee a ninginine ko.
Okwa fiya po omukunda wavo momafiku 11 Januali ndee efiku la landula okwa kana nale.
Okwa li a monika lwaaxuninwa pOponganda Cementry moKhomasdal mOvenduka.
Iiyambo, e shiivike nawa nedina ‘Tuna’, okwa li a ya kOvenduka konima a pewa oilonga yokulandifa okapana komunangeshefa womOtjomuise Matheus Shapaka.
Opolifi momafiku 14 Januali okwa li ya pitifa etumwalaka lomunhu a kana, tai pula oshiwana shi vatele okukonga Iiyambo.
Komukunda, meme waye Rauha Uungwanga (45), okwa ti okwa hala ashike edidiliko kutya omonamati oku na omwenyo. Okwa indila ou e na ouyelele a popye.
“Ondi wete kutya omonamati wange okwa xulifa. Onda hala ashike okushiiva kutya omonamati wange oku li peni. Nande omakipa ashike aye, onda hala okuxupula,” osho a lombwela oThe Namibian ngaho.
Uugwanga okwa ti eshi okwa li oshikando shotete Iiyambo tai kOvenduka. Ova kala alushe pamwe komukunda.
“Ohandi kofa ashike ovili imwe ame onda penduka,” osho a ti ngaho.
Efiku limwe konima eshi a fika moshilando, Uugwanga okwa ti okwa mona ongodi okudja kuShapaka lwopotundi 07h00, te mu lombwele kutya Iiyambo okwa fika mOvenduka ashike ina kofa oufiku aushe shaashi vati okwa li ashike ta halauka yee tai fana omadina ovanhu vokomukunda wavo.
Okwa pula a popye nomonamati, ta ti okwa mona kutya opu na epuko eshi kwa li a pewa ongodi.
“Kakwa li ta monika e li nawa, ashike omonamati wange ke na nande oupyakadi wapamadilaadilo.
Onda kala naye omido 26 komukunda. Ondi mu shii. Inandi mu mona nale te liumbata ngahenya,” Uugwanga osho a lombwela oThe Namibian ngaho oshivike sha dja ko.
Uugwanga okwa ti okwa indila Shapaka opo a twale Iiyambo kokilinika shaashi okwa li e na oumbada. Ashike nande ongaho, Shapaka vati okwa ti Iiyambo naye kuye mwene.
Konima efiku olo, mukwainakadona waUugwanga naye okwa dengelwa ongodi kuShapaka, ta ti Iiyambo okwa dja mo meumbo lwopotundi 10h00 ndee ke wetike.
Shapaka okwa ti kutya Iiyambo okwe mu dengela ta ti oku li koGoreangab Dam. Omunangeshefa vati okwa tuma ko omunhu e ke mu konge, ashike kakwa li nande a monika.
Ovakwapata mOvenduka navo ova waimina olukongo ashike inave mu mona.
Uugwanga okwa ti ongodi yaIiyambo okudja opo inai enda mo vali momhepo.
“Okudja opo onghalamwenyo yange oya lunduluka.
Onda kala itandi kofa vali nomutima wange kau na vali ombili,” osho a ti ngaho.
The Namibian okwa li a ya komunangeshefa Shapaka a tye sha ndee ta longekinda va shakena pondingosho yaye mOvenduka.
Ashike nee, ovalopoti vatatu eshi va ya ko, okwa anya okutya sha ndee te va tumine kopolifi.
“Onda yandja nale ehokololo lange kopolifi, nghi na vali eshi andi ti,” osho a lombwela oThe Namibian ngaho.
Frans Amwaama, oo kwa li a tumwa a dje naIiyambo komukunda, okwa lombwela oThe Namibia Omaandaxa kutya Shapaka okwe mu pula a etelele Iiyambo kOvenduka.
“Okwa li nda tumwa ndi etelele omumati kOvenduka kuShapaka ndee handi mu eta kuye. Shapaka oye a futa nokufuta,” Amwaama osho a ti ngaho.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
