Omuhongwapangi womido 30 koshipangelo shepangelo koTsumeb okwa li umwe womovanhu ve li vatatu tava feekelwa ve likufa eemwenyo moiningwanima ya yooloka mexuliloshivike.
Mathilde Alfeus (30) okwa li a hangika a xulifa monduda yaye molukanda ledina Saamstaan moTsumeb Etitano.
Okwa fiya po okambapila novakwapata vaye ova shiivifilwa.
Moshiningwanima sha yooloka mefiku olo tuu olo, Raeza Fischer (27) okwa li a hangika a xulifila meumbo laye kOkahandja Park mOvenduka.
Naye okwa li a fiya po okambapila.
Kolukanda ledina Oshifo moshitopolwahoololo shaMusati, olutu lomukwashiwa waAngola omunamido 21 wedina Wanekeni Ndivayele, okwa li la hangika ongula yOlomakaya.
Kakwa li nande pa hangika okambapila.
Omupopiliko wopolifi wopashiwana Kauna Shikwambi okwa ti oshinima eshi otashi limbililike neenghono.
“Omalidipayo otaa twikile nokuya neemwenyo dovanhu vomido da yooloka ndee ohatu indile keshe umwe e udite nai komwenyo ile a kanifa elineekelo a konge eyambidido,” osho a ti ngaho.
“Ohatu pula vali ovakwapata, ookaume, ovaleli vomoshiwana nomahangano a twikile nokuyandja omavatelo nokutota omidingonoko da amenwa daavo ve li moshiponga.”
Ovakwapata aveshe ova shiivifilwa nomakonakono opolifi otaa twikile.
Natango, komukunda wedina Etunda u li popepi noRuacana, okakadona komido hetatu, Rauna Mukulu, oka fya omeva konima ka wila mokanala mangha taka teke omeva.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
