Oshilyo shipe sheumbo etivali lopashiwana noshi li kamusela woshokandjohoololo shaKatima Urban, Kennedy Simasiku, okwa yandja enyeme laye kombinga yeyambulepo loshipangelo shaKatima Mulilo tali ende kashona opo shi dule okuya pondodo yokuyandja omayakulo opokati.
Simasiku oshinima eshi okwe shi holola moshipopiwa shaye meumbo etivali lopashiwana Omaandaxa.
Okwa ti molwomumbwe yoilongifo noipumbiwa koshipangelo shaKatima Mulilo, ovanaudu ohava fininikwa va ende eekilomita di dulife po500 va ye koshipangelo shaRundu nopeemhito dihapu, ohava tuminwa kOvenduka.
Kamusela okwa ti, oshinima eshi osha twika oyeendifo yoshipangelo oyo hai umbata ovanadu omukundu, oambulasha imwe oya lotoka nale nokuli eekilomita di dulife po800 000.
“Eshi shi , kumwifa, ominstili youndjolowele oya konga omayakulo eeambulasha dopaumwene ongonghendabala yokuxulifa po oupyakadi ou, ashike eumbo limwe la fimana oleli.
Olweendo ashike limwe okudja koKatima Mulilo ohali pula nale oministili oshimaliwa shi fike poN$40 000, ndee ngee omayakulo oo okwa longifwa keshe efiku osho shi li hashi ningwa luhapu, momwedi ashike umwe ngee ova longifa eeambulasha dopaumwene oikando inhe, otashi pula oshimaliwa shi fike poN$160 000. Meemwedi hamano otashi i fiyo opoN$960 000 – ya wana okulanda ohauto yoLand Cruiser ipe, noya wana okulanda oambulasha ,” Osho a ti ngaho.
Simasiku okwa ti okwa ile koministili youndjolowele nouyelele ou konima yodula ta pula ngeno opo va lande eeambulasha dipe di yambidide oyeendifo ikulu noku va lombwela kutya okutwikila okulongifa eeambulasha dopaumwene otaku hepeke neenghono, ashike fiyo okeluwa eli kapu na eshi sha ningwa po.
“Natango onde shi eta kuminista mupe oo opo a hoololwa nonde lineekela kutya okwa uda eindilo letu. Fiyo onaini oshinima eshi shipu itashi udika ko kukwashilipalekwe omayakulo e shi okulineekelwa eeambulasha moshitopolwahoololo?” Osho a pula ngaho.
Simasiku okwa pingena po kamusela mukulu woshikandjohoololo shaKabbe South, John Likando meumbo etivali lopashiwana. Likando okwa fiya po oilonga youkamusela noshilyo sheumbo etivali lopashiwana eshi kwa li a yelwa a ye kopaliamente yopombada – momutumba wopashiwana muMarsa.
-NAMPA
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
