Sankwasa okwa pula eekamusela doshilando dikulu di shunife eemiliyona N$20

Minista womayambulepo eedoolopa noitopolwa yokomikunda James Sankwasa okwa pula eekamusela dikulu doshilando di shunife oshimaliwa shi fike lwopeemiliyona di li N$20 sha longifwa momalweedo okondje yoshilongo ‘inaa pitikwa’.

Eekamusela odo da kwatelwa mo, nande ongaho, oda ti itadi shunifa oimaliwa oyo.

Ovo va mona omauwa omalweedo aa omwa kwatelwa eekamusela okudja koSwapo, koIndependent Patriots for Change (IPC), National Unity Democratic Oraganisation (Nudo), noAffirmative Repositioning (AR).

Ovanambelewa vamuni vamwe ovo navo kwa li va enda pamwe neekamusela vati ova mona omauwa moshimaliwa omu.

Ohimaliwa okwa sha futa eedila, omilele noipumbiwa yakeshe efiku momalweendo a yooloka a ningwa momudo 2025.

Sankwasa okwa pula oshimaliwa shi shunifwe kelelo loshilando momafiku 25 Novemba, ashike elelodoolopa ola ti elombwelo olidjuu okunghonopeka shaashi eekamusela dihapu odo da kwatelwa moshinima omu kadi mo vali mombelewa oda dja mo momafiku 26 Novemba konima yomahoololo.

Eshi kwa li ta piopi noThe Namibian oshivike sha dja ko, Sankwasa okwa ti: “Nde ngela omukulunhuwiliki welelodoolopa laVenduka e ku lombwele kutya etulomoilonga lelombwelo eli ote li longo mo ngahelipi.”

Omambo elelodoolopa laVenduka okwa holola kutya eekamusela dalo oda ya momalweedo opaunynuni e li lwopo12 pokati kaMarsa naNovemba neudo.

Olweendo lomafiku aheyali leekamesela mbali da ya koChina okudja momafiku 28 Juli fiyo 04 Auguste vati ola pula oshimaliwa shi fike poN$120 600, omangha olweendo likwao okudja koMozambique okudja momafiku 25 fiyo 31 Auguste la pula oshimaliwa shi fike poN$118 400.

ELOMBWELO

Sankwasa okwa nolela koshilando momafiku 21 Oktoba nomomafiku 13 Novemba, ta pula eekamusela odo k da ya momalweendo puhe na ediminino okudja kuminista di shunife oshimaliwa.

“Oimaliwa aishe oyo ya pewa oilyo yewiliko lodoolopa oyo kwa li ya ya momalweendo nande nande omalweendo okuya pondje yaNamibia inaa diminwa nai shunifwe kwaavo ve i pewa.

Oshinima eshi nashi ningwe mangha omafiku 25 Novemba 2025 inaa koya,” osho a ti ngaho.

Momafiku 23 Novemba, okwa li a shangela omukulunhuwiliki welelo loshilando Moses Matayayi koWhasApp, te mu dimbulukifa a katuke onghatu.

“Ohandi pula kutya oimaliwa aishe ya futwa eekamusela momalweendoe li ngaho nai aluke mangha inava dja mo mombelewa. Ngee ino i mona, kufa okopi kumayola,” osho a ti ngaho.

‘KAI FI YOICE BREAM’

Mayola mukulu Ndeshihafela Larandje wongudu yoIPC oshivike sha dja ko okwa ti onghenda inene eshi tava pulwa va shunife oimaliwa yoshilando.

“Otashi limbililike kutya eekamusela odi na okufuta oimaliwa oyo konima da longa oilonga yado.

Oshinima shopapolitika, shaashi oto lineekele eekamusela di longe oilonga yado ngahelipi ndee pexulilo lefiku odi na okushunifa oimaliwa oyo yomalweendo?” osho a pula ngaho.

Kamusela woNudo Joseph Uapingene okwa ti elombwelo eli okwa li uda.

“Ashike natango ondi shii vali etokolo lewilikongudu olo twa ninga kutya eekamusela odi na oufemba wokutokola kombinga yomauwa ado.

Heeno, ohatu wilikwa kuminista, ashike fyee olutu olo tali dulu okuninga omatokolo alo vene,” osho a ti ngaho.

Uapingene okwa ti inava ya momalweendo va kalye oice cream.
“Otwa ya momalweendo tu ka longe,” osho a ti ngaho.

Kamusela woSwapo Fransina Kahungu okwa ti elombwelo e li okwe li uda.

“Kombinga yange inandi ya nande molweendo eshi kwa li nda mona omukanda okudja kuminista.

Onda nyolela omukulunhuwiliki ndee handi fatulula, ashike kakwa li vali sha yelekwa ngee nandi ye molweendo ile inandi ya,” osho a ti ngaho.

Mayola mukulu okwa wea po:”Onda shangela nale omukulunhuwiliki kutya ohandi ka shunifa oimaliwa oyo.”

Sade Gawanas wongudu yoLandless People’s Movement (LPM) oshivike sha dja ko oka ti ina ya nande molweendo kakele kolweendo lokoLesotho odula ya dja ko.

“Ondi shi shii kutya eekamusela dikwao okwa li tadi endaenda neenghono.

Pefimbo nda li mayola, okwa li handi pewa ediminino kombinga yomalweendo ange.

Inatu endaenda unene,” osho a ti ngaho. Kamusela woSwapo noku li mayola mukulu Queen Kamati okwa ti kakwa li nande a kumwa kelombwelo eli, “shaashi inadi ya molweendo nghee elombwelo la yandjelwe”.

Omupopiliko welelodoolopa laVenduka Harold Akwenye okwa anya okutya sha kombinga yoshikumungu eshi. Momafiku 25 Novemba, Matyayi okwa lombwela mayola mukulu Larandje kutya elombwelo laSankwasa ola eta omikundu dokumona oshimaliwa osho okudja keekamusela.

Okwa ti omatokiolo kombinga yomalweendo opambelewa eekamusela okwa li a ningwa nokukolekwa kokomitiye yewiliko lodoolopa.

“Ondi wete kutya elombwelo eli otali dulu okweeta oupyakadi wakula woku litula moilonga noku li la ndula pamukalo ou,” osho a ti ngaho.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.