Presidente Netumbo Nandi-Ndaitwah ota ti oulingilingi nau yelakanifwe nokunwa po oshilongo ndee naavo have u ningi nava pulwe ve u kalele po.
Okwa ti kutya oulingilingi natango ou li oupyakadi wakula keyambukepo laNamibia.
Nandi-Ndaitwah edi okwe di popya Olomakaya pefimbo loshipopiwa shaye shomokati koufiku kedimbuluko lEfiku lEmanguluko kEumbo lEpangelo.
“Oulingilingi kau shii ashike okulongela epangelo, oshimbuluma; ekengelelo lovanhu ovo va pumbwa okuyakula ndee otau dulu okuyelakanifwa nokunwa po oshilongo,” osho a ti ngaho.
Presidente okwa ti ngee eliko loshilongo tali longifwa paumwene, ohashi i eyandjo lomayakulo moshipala nokunyeka ovakwashiwana eemhito da pumbiwa.
“Ngee omaliko a nuninwa eemwenyo dovanhu vetu taa longifwa epuko, ihashi kala shi li pauyuki kushe Omunamibia oo e likolelela momaliko omo a mone eefikola di li xwepo, omayakulo opaundjolowele, omaumbo neemhito,” osho a ti ngaho.
OUKWAMUHOKO
Nandi-Ndaitwah okwa ti moshilongo omu na omatopauko oukwamuhoko nokutala kutya omunhu okwa dja koshitopolwahoololo shilipipo.
“Otashi nyemateke neenghono okutala oinima ei tai ningi ihapu moshiwana shetu.
Oya nyika oshiponga, ohai teyaula po oiwana ndee nai kelelwe lelalela nande otashi pula shike,” osho a ti ngaho.
Nandi-Ndaitwah okwa ti epangelo ole lipaka mo natango tali kendabala okuwaifa po oinima yopashiwana ya fimana oyo i li koshi yomukanda womayambukepo wopashiwana omutihamano, omo ounamapya nounaimuna oo u li oshinima sha fimana.
“Epangelo ole litula mo mokuyambula po oinima ya fimana yopashiwana, omo ounamapya nounaimuna oo u li oshinima shotete,” osho a ti ngaho.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
