Presidente Netumbo Nandi-Ndaitwah okwa yadja oushima kovanapaliamente ovo ta ti ohava longifa eemhata va mone ashike oitwa yopapolitika.
Presidente oshinima eshi okwe shi popya Etivali pefimbo lepatululo lopaliamente.
“Ovanapaliamente vamwe otashi dulika tava kendabala okumona oitwa yopolitika okupitila meemhata.
Ashike nee, onda itavela neenghono kutya ovanhu vetu vahapu ova hala okumona ovanapaliamente tava wanifa po oilonga yavo yopakotamhango yokuninga eeveta, odo tadi wilike nokukandula po eemumbwe doshiwana shetu,” osho a ti ngaho.
Okwa ti shaashi ove na omaliudo opapolitika a yooloka ongovakalelipo va hoololwa, nava kale tava lalakanene oshinima shimwe – eyokomesho nonghalonawa yOvanamibia.
Nandi-Ndaitwah okwa ti oudemokoli owe likolelela momaliudo a yooloka, ashike ohau i komesho nawa okupitila melitulemo laaveshe momauwa opashiwana.
Okwa indila ovanapalimente, kutya nee ovo kongudu ilipipo yopolitika, vaha kale ve na olwaamambinga, tave liumbata nawa ndee tava alula elineekelo loshiwana.
Nandi-Ndaitwah okwa weda po kutya eemhata dopamufika oda fimana koudemokoli ashike nadi kale alushe tadi ningwa nefimaneko, pamukalo uwa nonelalakano.
“Ovanhu vetu ova teelela ovakalelipo vavo mopaliamente va longe nelitulemo.
Ova hala eemhata odo tadi kandula po omikundu, eeveta odo tadi yambula po eenghalamwenyo davo noinima oyo tai nghonopeke elelo pamukalo uwa,” osho a ti ngaho.
Omhango yoveta, okwa ti, natango oi li ongudi yombili, ouyuki neyambukepo laalushe, ta weda po kutya kapu na nande omunhu, epangelo ile ehangano li dulife oveta.
Presidente okwa ti elitulemo lepangelo mokukalela po oinima, melongo lopauyelele nokulwifa oulingilingi natango oli li lakola.
“Eshi kashi na sha nokukala ominge nomunhu, ashike oshi na sha nokwaalula nokukwatela po elineekelo loshiwana momahangano etu,” presidente osho a ti ngaho.
Okwa endulula vali kutya eliko olo la longwa nali dje ouwa wovanhu vahapu, ndee kashi fi ashike vashona nopaliamente nai kwashilipaleke kutya eedjo dopaushitwe daNamibia otadi longifwa nawa notadi kwatelwa po
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
