Pelesidente omutitatu waNamibia Hage Geingob okwa pakwa Oshoondaxa koHeroes Acre

GEINGOB okwa xulifa konima yefimbo li xupi eshi kwa li kwa shiivifilwa oshiwana mo17 Januali kutya okwa monika okaangela. Nakufya pelesidente okwa fiya ko omukulukadi waye Monica Geingos, ounona vahetatu, vamwaina vavali novatekulu.

Geingos okwa ti omushamane waye okwa li omunashili nokwa li a kwatakanifwa novanhu koshili shaye osho.

“Hage okwa li ha kwatafana novanhu noupu. Okwa li wa dalwa omukwanaluhepo ashike owafya omupelesidente,” Geingos osho a ti ngaho poshivilodimbuluko shaye mOlomakaya.

Epako laGeingob okwa li le ya ovaNamibia okudja keembinga da yooloka, novakalelipo va dja koilongo 27, novapelesidente ve li 18 voilongo i lili, omo mwa kwatelwa ovaleli voilongo yAfrica vahapu ngaashi pelesidente waSouth Africa Cyril Ramaphosa, pelesidente wAngola Joao Lourenco, pelesidente waBotswana Mokgweetsi Masisi napelesidente waZimbambwe Emmerson Mnangagwa.

Ofamili yuuhamba waBritian okwa li ya kalelwa po komumwainakadona wohamba yaBritian Charles III, okaadona komuuhamba Anne, omanga omupelesidente waGermany Frank-Walter Steinmeier, pelesidente waFinland Sauli Niinisto napelesidente waQatar sheikh bin Hamad Al Thani navo okwa li va fika.

Pefimbo loshivilodimbuloko nepako, oshikefa shaGeingob okwa li sha findikilwa kovaumbati voshikefa: minista mu ku wounamapya nounaimuna Alphes !Naruseb, omupedu prima minista John Mutorwa, komufala mu kulu wetanga leameno Martin Shalli, omonamati waGeingob ou a kula Mangaliso Fernandez Geingob, omuleli wongudu yomilameno yopambelewa McHenrry Venaani nanakulwa mukulu woSwapo Ben Amathila.

OHeroes Acre edu londjokonona moNamibia, li shiivike nawa onga onhele ya xuuninwa yaavo haku tiwa omapendafule. Onhele oi na omadidiliko eembila di li 9 (mausoleums), a tulilwa mo omitwe doshilongo, oyo imwe ya ninga yaGeingob paife.

Efanomanya lomukwaita oo ehe shiivike olo tali kala ta li tonatele ombila yaGeingob.