Omuprima minista Elijah Ngurare okwa londwela ovakwati veetendela novayandji vomayakulo ovo hava dopa okumanifa oilonga moule wefimbo olo la udafanwa ile hava fiye eeproyeka depangelo inadi pwa kutya itave ke lididimikilwa vali, osho tashi ulike ekalelepo loinima la mana mo moshikondo shomayakulo oshiwana.
Eshi kwa li ta popi momutumba wopashiwana Etitatu, Ngurare okwa ti epangelo ola hala okutula po omilandu da kidja dokuwilika ovanailonga vepangelo novakwati veetendele vopaumwene va kwatelwa meeproyeka depangelo, ta popi kutya oilonga oya pumbwa okumanifwa noinima oya pumbwa okukalelwa po.
“Oshinima eshi osha kwatela mo yoo naavo va pewa eetendela ndee itava wanifa po oilonga moule wefimbo olo la udafanwa ile tava fiye po oilonga inai manifwa. Ekalelepo loinima otali kala oshinima shaalushe kombinga yetu,” osho a ti ngaho.
Ngurare okwa ti epangelo ole lipyakadila nokutala oinima aishe oyo hai piyaaneke etulomoilonga leeproyeka doshiwana nola kufila nale nokuli ovanambelewa ovo ihava wanifa po oilonga novayandji vomayakulo onghatu.
Nghee a ile mombelewa muMarsa momudo 2025, omuprima minista okwa ti okwa dimina omakufo moilonga ile omashuno pondodo yopedu moilonga ovanailonga vahapu vepangelo meeministili da yooloka, mwa kwatelwa moministili yehongo, omaduto oinima ipe, ovanyasha, omaudano, omaunghulungu nomifyuululwakalo; moministili youndjolowele nomayakulo opanghalafano noministili younamapya nounaimuna, eeshi, omeva nomatendululo omadu.
“Eeministili dikwao otadi indilwa di tule moilonga omilandu de lifa ngee okwa monika kutya opu na ovanailonga vepangelo tave liumbata nai shihe li mouwa wokuyandja omayakulo opashiwana,” osho a ti ngaho.
Okwa popya yoo vali omumbwe yelongelokumwe pokati kovakulunhuwiliki, ovatoti veeveta noshikondo shopaumwene, ta indile oikondo yepangelo i yande okulitopola ndee tai kendabala okulalakanena ouwa wopashiwana umwe.
Ngurare okwa dimbulukifa oilyo yopaliamente oinakuwanifa yayo, ta popi kutya okatendo kokukonga oipumbiwa yepangelo nokatendo kokukelela oulingilingi nokatendo koimaliwa yepangelo ova fimana mokukwashilipaleka elongo lopauyelele, epangelo lomondjila netulomoilonga lomukanda womafaneko omayamulepo opashiwana omutihamano.
“Otu shi shii kutya outendo ava otava popi shike naasho tashi dulu okuningwa opo tu mone oidjemo iwa ngee omukandafaneko womayambulepo opashiwan omutihamano we ya pexulilo momudo 2030.
Ngaashi nda popya nale, omhepo iwa yoveta nai longifwe opo tu mone ouyuki,” osho a ti ngaho.
“Onda itavela kutya eeveta ohadi longo nawa ngee tadi endele pamwe neemumbwe douyuki wopanghalafano neemumbwe da fimana doshiwana oda kwatelwa mo, shaashi osho otashi popile ounhu, eyambukepo nongushu.” – The Brief
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
