Ovili yaGeingob yongushu yoN$800 000oya landifwa po koN$7 000

Ovili yoRolex yomupelesidente mu kulu Hage Geingob, oyo ya vakwa po komunambelewa umwe oo e lineekelwa shi nasha neameno laye, oya landifwa po ashike koN$7 000.

Odjo imwe oya ti, ovili oi na ongushu yoN$800 000.

Eshi okwa li sha kolekwa komunambelewa a kula wepangelo. “Ongushu yovili oyo oi li lwopoUS$45 000, osho tashi kupe oshimaliwa shaNamibia shi fike poN$855 000. Ovili ina ondilo nai,” Odjo osho ya ti ngaho.

Omufeekelwa ovili okwe i landifa po komonamati wominista i kulu.

Omundjadjukununi woikwapolotika Ndumba Kamwanyah okwa ti: “Kandi shi oukwashili wehokololo eli, ashike ngee oshili kutya omunhu ou kwa li ha tonatele pelesidente ota dulu okuninga ngaho, oshi kumwifa neenghono.”

“Eshi otashi ti sha keameno lapelesidente nakeshe umwe a kwatelwa mo.” Okavidio oko taka monika komalungula otaka ulike omufeekelwa ta landifa po ovili opo a pewe okompiuta.

“Onda pumbwa oN$10 000 ile N$7 000 paife ashike manga, onda pumbwa okukalanda okompiuta, osha pumba okumona okompuita,” Osho a ti ngaho mokavidio.

Odjo oya ti, ovili oya vakwa po konima yoivike ivali, ashike nee, okwa li sha udafanwa kutya oshinima eshi otashi ke likundwa ashike konima yepako.

“Omunambelewa ovili okwe i landifa po komonamati womunapolotika a fimana. Eshi kwa li ta pulwa kopolifi okwa li te likale tete.

Konima okwa itavela kutya ovili okwe i landa komunambelewa,” Odjo osho ya ti ngaho. Omukulunhu wopolifi yaNamibia komufala Joseph Shikongo okwa lombwela oThe Namibian Omaandaxa kutya ke na eshiivo kombinga yoshinima osho.

“Mutu oshikumungu oshi li pamwe pe lili ashike kashi shi mombelewa yange, inashi etwa mo omu.

Kapu le koitaashi yopolifi, ashike kapu na nande oshinima nde shi lopotelwa shi li ngaho.” Shikongo Etivali ina nyamukula nande ongodi. The Namibian okwa li a ninga onghendabala opo a dengele omunhu oo taku tiwa oye a landa po ovili ashike ina nyamukula nande ongodi yaye nande okwa li a dengelwa oikando 18 ndee ta tuminwa omatumwalaka atatu Etivali.The Namibian natango okwa dengela omukulunhuwiliki, Leonard Iipumbu, oo ashike a tuma okatumwalaka kepopifo ashike ina nyamukula nande omapulo e nasha noshiningwanima. Eengodi domupopiliko wapelesidente Alfredo Hengari nomukulunhuwiliki mombelewa yapelesidente Grace Uushona kakwa li tadi piti eshi tava dengelwa.