Ovanawino veameno lomeendjila ova lundilila epangelo ouhefi konima omahauto avali epangelo a londeka sha pitilila e lidenga omitwe mumwe mondjila yopokati kaMariental naKalkrand ndee taa twaalele eemwenyo dovanhu ve li 16 Olomakaya.
Oonakuningwa oihakanwa omwa kwatelwa ovanambelewa okudja kopolifi yanamibia nokodolongo yevyulonghalo yaNamibia.
Omunandjungu weameno lomeendjila Felix Tjozongoro okwa ti oshiponga eshi shi nyanyaleka kakwa li ashike oshiponga, ashike okwa li yoo ouhefi wepangelo.
Tjozongoro okwa lombwela oThe Namibian kutya epangelo ola pumbwa okukalela po omafyo aa shaashi oshiponga osha kwatela mo omahauto epangelo avali a londeka ovanambelewa vokukwatela po oveta novakwashiwana sha pitilila.
“Ohatu ti komufalandjai wopolifi nomukulunhu wodolongo yevyulonghalo nava nyamukule kutya okulondeka kwapitilila oku nomukalo wokuumbata ou owa enda ngahelipi komesho yavo,” osho a ti ngaho.
Tjozongoro, oo kwa li ha longo ongomunambelewa akula kehangano lomauyelele omeendjila laNamibia ledina Namibia Traffic Information System (Natis), ota feekele kutya okulondeka sha pitilila kwepangelo okwa ninga omukalondjiikilile.
“Mutu omukalo ou wokututa ovanambelewa novafeekelwa ohau ningwa keshe efimbo, ashike osha pula oshiponga eshi okupatulula omesho ovanhu,” osho a ti ngaho.
Tjozongoro okwa weda po kutya eeveta doshilongo oda yela.
“Konima yohauto inaku kala ku na ovanhu ve dulife puvahamano. Ashike natango omahangano epangelo ohaa teya oveta oyo tuu oyo haa pele oshiwana shaNamibia ehandukilo.
Olyelye taka wilika opolifi?” osho a pula ngaho.
Omunawino moinima ya pamba eendjila okwa ti minista woyeendifo noilonga na kalele po omafyo aa.
“Omahauto epangelo a londeka sha pitilila okwa ninga omukalondjikilile, kashi fi ashike eshi.
Itatu kala ashike hatu lili omafyo taa dulu okukelelwa. Oveta nai kale i lile po ovanhu aveshe – ovakwashiwana ndee nomahangano epangelo,” Tjozongoro osho a ti ngaho.
Tjozongoro okwa ti eendjila dokoumbuwanhu kadi shiivikile naana oiponga i nyanyaleka yomahauto shaashi luhapu oda kwatwa nawa.
Okwa ti otapu dulu okukala pu na ondalaye oyo tai imbi omunhu a mone ko nawa, ashike okwa ti kutya ponhele apa pa ningilwa oshiponga eshi opu na ondjila ya yukilila.
Okwa pula presidente Netumbo Nandi-Ndaitwah a yandje elombwelo tali kelele oyeendifo yepangelo iha umbate vali ya pitilila novakulunhu wopolifi novodolongo yevyulonghalo va fatulule kutya oshinima eshi osha enda ngahelipi komesho yavo.
“Okulondeka kwa pitilila itaku pitikwa.
Oipumbiwa nai yandjwe ya wana. Itatu dulu okuyandja oilonga ndee hatu kala tu na oitaashi i yadi tu nyamukule omaudaneko eekambaina ndee itatu dulu okuyandja onghalo iwa yoilonga koshikondo sheameno.
“Opu na eebesa noukumbi oministili tai dulu okumona opo keshe umwe a kale e li omutumba nawa,” osho a ti ngaho.
EDOPO LI NYANYALEKA
Omuleli wongudu yomilameno yopambelewa yedina Independent Patriots for Change Imms Nashinge okwa ti oshiponga eshi osha holola omumubwe yokutalulula omaludi oyeendifo oyo luhapu hai pewa ovanambelewa.
Nashinge okwa ti itashi tambulwa ko ngee ovo va pewa oshinakuwanifa shokukwashilipaleka eameno lopashiwana nokuyandja omayakulo evyulonghalo ova tulwa momaupyakadi oludi eli shaashi ashike puhe na oyeendifo ya wana ile medina loyeendifo inai amenwa.
“Otu na oshinakuwanifa sha fimana shefiloshisho lovanailonga vepangelo ndee oshinakuwanifa eshi osha ya fiyo oko kukashilipaleka kutya ova amenwa mangha tava longo.
Oshiponga eshi oshi li edimbulukifo lakula kutya otwa pumbwa okulongela kumwe tu xupife eemwenyo,” osho a ti ngaho.
Nashinge okwa weda po: “Ondjokonona yaavo twa kanifa nena nai kale osheetifi shelunduluko la fimana olo tali ningi eendjila detu di kale da amenwa opo di longifwe kOvanamibia aveshe, unene ngaa ovo have tu yakula”.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
