Eshi Namibia te lilongekidile okudana efiku lemanguluko konima yomido 36, ovanyasha moshitopolwahoololo shaShana otava ti oshivilo eshi omhito yokuholola etumba nokutala koinakuwanifwa yavo meyambulepo loshilongo.
Manga tava tambula ko eyekomesho olo la ningwa po okudja pemanguluko momudo 1990, ovaleli vovanyasha otava ti ondodo yeyambukepo ya shikula ko nai tale unene kokutota eemhito dovanyasha di na oshilongo meliko.
Omunashipundi wOshana Reginal Youth Forum Absalom Itamalo okwa ti omhepo oyo i li mokati kovanyasha moshitopolwahoololo otai holola etumba moudemokoli waNamibia nosho yo elineekelo lakula lokukwatelwa mo meliko.
“Ovanyasha natango ova panda omayambukepo oo a ningwa kovakokoli ovo va lwilwa emanguluko olo hatu tyapula nena.
“Namibia okwa kaleka po ombili, elandulafano nelelo lopaudemokoli oule womido di dulife po30, osho shi li lela oshinima shi shii okutumbulwa.
“Vahapu ove na eteelelo monakwiiwa, ashike natango ove na ohokwe yokumona eemhito da kola odo tadi va pitike va kufe ombinga nawa meliko loshilongo,” osho a ti ngaho.
Nande epangelo otali ningi eenghendabala dokukwatela mo ovanyasha nomayambuke po opashiwana okupitila moinima ngaashi oshikefa shomayambulepo ovanyasha, eepolohalama dounangeshefa nomadeulo opaungoba.
“Ashike nee, ovanyasha vahapu natango ove udite kutya nande omilandu opo di li, okumona eemhito edi natango okwa ngabekwa kuvahapu pondodo yopetameko elela,” osho a ti ngaho.
Okwa ti okuhe na oilonga natango oku li omukundu wakula ovanyasha va taalela, unene ngaa ovo ve na omauhongelwe, pamwe nonghalo yomaxupilo tai ningi ondilo, oyo ya kuma eenghono davo dokukala ve lifikamena pashimaliwa.
Okukandula po omikundu edi, Itamalo okwa ti ovaleli nava fimaneke eliko la mbwalangandja opo eemhito doilonga di ninge dihapu, nava yambidide yoo ounangeshefa wovanyasha nomaduto oinima ipe, tava nghonopeke omadeulo opaungoba ndee tava yambula po eemhito dokumona oshimaliwa shomayambulepo nomahango.
“Ngee tashi ya keemhito dopaliko dovanyasha, natango opu na omwaka wa pumbwa okufitikwa.
Nande eemhito dehongo oda ninga dihapu neenghono, eliko nalo nali kule tali endelele opo ovo ve na eewino nomauhongelwe va dule okumona oilonga,” osho a ti ngaho.
Okwa ti ovanyasha ove na eteelelo lokumona etoto loilonga nomayambulepo oikwafaabulika moule womido omulongo komesho, nosho yo oshimaliwa sha wana tashi longifwa meengeshefa dovanyasha, eemhito dokumona omayambidido oshimaliwa nomayambidido eengeshefa, ekufombinga lovanyasha melelo nomokuninga omatokolo, nomilandu odo tadi popile nawa eemumbwe dovanyasha.
–NAMPA
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
