Oministli youndjolowele nomayakulo opanghalafano oya koleka ovanhu ve li vahetatu va monika malaria mOvenduka.
Eshi osha popiwa komupopiliko woministili youndjolowele Walter Kamaya. “Ovanhu vahamano ove li monghalo iyi. Ovanhu ava okwa li va lopotwa okudja momafiku 14 fiyo 22 Apilili. Kapu na nande efyo kwa li la lopotwa,” Kamaya osho a ti ngaho.
“Moshipangelo shaKatutura omwa lopotwa ovanhu vashona. Eshi otashi dulika sha etwa kovanhu ovo va dja keenhele ku yadi malaria mefudo lopaasa,” Kamaya osho a ti ngaho pefimbo kwa li ta popi noDesert FM Etivali omutenya.
Okwa weda po kutya nande oshilando pangelo inashi hanga ondodo ya naipala, ovakalimo otava pulwa opo ve liamene. Oitopolwahoololo ngaashi Zambezi, Kavango East/West, Ohangwena nOmusati nosho yoo omikunda di li popepi nOkongo, otai twikile nokulopota omalaria tai i pombada neenghono.
Kamaya okwa ti nande Ovenduka natango oya talika kutya kai shi naana onhele hai kala malaria unene, odula yomafiku aa, omeva a talama nomwiidi ule owa eta onghalo iwa nokudalela eemwe. “Itatu dulu kutya Ovenduka inai kwatelwa mo ile inai kumwa nandenande,” Osho a kunghilila ngaho.
Okwa ti omalweendo ovanhu omafiku aa okudja keenhele oko ku yadi malaria ve ya koshilando otashi dulika osho sha eta malaria ou a lopotwa.
“Etumwalaka letu kukeshe umwe ole li kutya atushe natu kale tu li komalwilo ndee hatu liufa komilandu dokukelela malaria,” Osho a ti ngaho.
Oministili youndjolowle oya ti, oipangelo aishe yepangelo, mwa kwatelwa oyo i li mOvenduka, oi na oikwa noipangifo yokumona nokupanga malaria diva.
“Ohatu longo tu kwashilipaleke kutya oipangelo aishe oi na omiti noilongifo yokukonakona opo tu dule okumona nokwaalula oundjolowele wovanhu diva ngaashi tashi dulika,” Osho a ti ngaho.
Kamaya okwa ti elunduluko longhalo yomhepo nosho yo okutembukila keedoolopa otaku dulu okukala taku xwaxwameke nokutandaveleka malaria moshilongo. “Katu li natango pondodo yoku tu ngwangwaneka, ashike otu na okutala nawa oshinima eshi. Omalinyengo ovanhu oo a lunduluka, ndee osho otashi dana onghandangala mokutandaveleka malaria,” Osho a ti ngaho.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
