Elelodoolopa laVenduka ola shiivifila oovene vomaumbo opo va ninge omaindilo va dule okulanda po omadu ihaa longifwa e li eemita di li 10 okudja pomaumbo avo, osho sha eta eemhata kombinga youyuki nomafaneko eedoolopa.
Oshinima eshi otashi ningwa ashike kovakalimo ovo ve li popepi nomilamba ile keshe ngaa edu olo ihali longifwa li li pokati komatungo neenhele depangelo.
Omukulunhuwiliki welelodoolopa laVenduka Moses Matyayi Etitatu okwa ti edu eli tali landifwa po ole li ashike la kondeka etungo loye lopaumwene ihali longifwa sha.
“Ngee omulamba, ndee onhele oyo oi li pokati keumbo loye nomulamba oya kula, oto dulu nee okuninga eindilo opo i ninge yoye, ashike nai kale eemita di li omulongo okudja meengaba doye.
Otashi dulu okukala keshe pamwe opo puhe na sha, popepi netungo loye,” osho a ti ngaho.
Matyayi okwa ti okapambu kedu otaka dulu ashike okulandwa komunhu oo e na etungo li li popepi nako.
“Ohandi dulu okuninga eindilo lokapambu kedu oko ke li popepi nonhele yange. Ashike itandi dulu okuya ndi ka lande eemita 10 detu olo la yukilila onhele yomunhu umwe,” osho a ti ngaho.
Omukulunhuwiliki okwa fatulula kutya ewedelo lonhele otali tulwa modalate shaashi edu ola ninga po lamwene weumbo.
Matyayi okwa anya omalimbililo kutya ovakengeli otashi dulika va ka longife nai osystema ei.
“Kapu na nande omunhu teke i longifa nai, shaashi oto lande ashike olo la kunghula neumbo loye,” osho a ti ngaho.
Ashike omunawino mokufaneka eedoolopa Winfried Holze okwa lundila onguduwiliki yoshilando kutya otai yandje po oshinakuwanifa shayo shokuwapaleka omilamba kovakalimo.
“Eleledoolopa laVenduka okwa li la pumbwa okuwapaleka omilamba, okuteta mo oixwa ndee itave shi ningi.
Onghee nee ova tokola, ‘omolwashike ashike itatu yandje po omadu aa koovene ndee tava wapaleke omilamba?’
“Ashike omilamba luhapu odi na eemita 15 ile 20. Kombinga yeemita dikwao? Ito kandula po oupyakadi.
Ondi wete kutya oko okuyandja elineekelo loipupulu,” osho a ti ngaho.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
