Ovanailonga vakula vepangelo otava ka tameka okulongifa omayakulo opaundjolowele epangelo okudja mulotete laApilili, sha landula elombwelo lapresidente tali lalakanene okulundulula osystema yomayakulo opaundjolowele yaNamibia.
Presidente Netumbo Nandi-Ndaitwah momudo 2025 okwa li a yandja elombwelo kovanailonga vepangelo ovo hava longifa okakalata komayakulo opaunamiti kepangelo va longife oipangelo yepangelo.
Omukulunhuwiliki woundjolowele nomayakulo opanghalafano Penda Ithindi Oshondaxa okwa ti: “Mondodo yotete, omwa kwatelwa ovakulunhuwiliki, oomuvaluli akula wopedu, hamushanga weumbo etivali lopashiwana, ovashangi voipopiwa novayandjimayele vopaliko, omunambelewa womahoololo akula, komufala wodolongo yevyulonghalo, komufalandjai wopolifi, omukulunhu wetanga leameno, hamushanga wokabinete novanapolitika ovo ve li meembelewa.
“Pakutala tete kongudu ei yovanambelewa vakula, etulomoilonga otali lalakanene okulanda kwa mana mo, okweendelelifa okuninga omatokolo nokunghonopeka ekalelepo loinima, opo nee kutotwe omudingonoko wa amenwa ku dule ku landule nawa eendodo dikwao.”
Okwa ti omukalo ou wokukufa ko paendodo otau pitike oministili i dule okutambula ko oilyo aishe yoPsemas, tau nghonopeke osystema, tau tofa mo eenhele odo da pumbwa okuyambulwa po nokutwikila okuyandja omayakulo opamufika keshe efimbo.
Koshi yomutengenekwafaneko wopashiwana wopaife, oshimaliwa shi fike lwopeebiliyona N$3 osha yandjwa koukalata vomayakulo opaunamiti vepangelo komudo.
Ovanailonga vahapu vepangelo nande ongaho otava pula ngee osystema yomayakulo opaundjolowele yepangelo otai dulu ngaa okuyakula onduba yovanaudu ovo va teelelika va ninge vahapu.
Oipangelo yepangelo oi hadi nale, yoo kai na ovanailonga va wana noikwanoipangifo.
Omido da dja ko, The Namibian, okwa kala nokulopota kombinga yomikweyo ndi lulila moipangelo yepangelo, ovanailonga inava wana nomumbwe yomiti, osho hashi fininike ovanaudu va alukile koipangelo oikando ihapu ile va ka lande omiti.
Ovanailonga vepangelo okwa li ve fike po118 936 momafiku 31 Desemba 2025.
Omuhongifikola Tuwilika Uugwanga wokoSwakopmund okwa ti osystema yomayakulo opaundjolowele nai kale yopamufika, inai etela nande ovanhu omikundu dopamadilaadilo.
“Ngee omunhu e udite nai, efimbo nokuyakulwa nawa oinima ya fimana. Omunaudu ta luluma ina kala ta katekwa.
Omunhu e na oudu wa mana mo ina kala nokulipula kombinga yomiti,” osho a ti ngaho.
Omundjadjukununi woikwapolitika Ndumba Kamwanyah moshinyolwa shaye koFacebook Oshoondaxa okwa ti naye ita popile elombwelo eli.
Okwa ti etokolo ola nyeka ovanhu oufemba wokuhoolola opo tava ka konga omayakulo opaunamiti.
“Oundjolowele oshinima shopaumwene.
Atushe otu na eemumbwe da yooloka, eendokotola odo twe lineekela, noikumungu inai lifa. Okukondjifila ovanailonga vepangelo mosystema kaku na eshi taku kandula po kombinga yomikundu domoipangelo,” osho a ti ngaho.
Kamwanyah okwa ti eyandjo lomayakulo moipangelo yepangelo nali yambulwe po opo i dule okulongifwa.
“Ovanhu nava hoolole epangelo shaashi ova hala, kashi fi shaashi kave na nghee.
“Ngee oipangelo yepangelo oi na oilongifo ya wana, ovanailonga va wana, tai yakula ovanhu nawa nonefimaneko, ovanhu otava i ashike nawa.” Kamwanyah osho a ti ngaho.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
