EHANGANO lomayakulo oo haende ledina Kadhila Amoomo Legal Practitioners ola indila opo epangelo li yandje omaumbo alo oo ehe na ovanhu kovanyasha novanhu ovo ve na oiyemo i li pedu neenghono va hiile kondado tai dulu okulididimikilwa.
Ehangano eli ola ti omaumbo ahapu epangelo okwa indila omanga Ovanamibia omayovi tava mono oixuna yokukonga eehila di na ombilixa.
Ola ti kutya omumbwe yomaumbo epangelo ohiila oya fiya ovanhu ovo ve na eendjabi di li pedu, ovo hava kwata oshikuvila shepangelo novanhu ovo ve na omaulema vehe na nande omhito yasha yomaumbo.
“Otwa hala omaumbo epangelo oo ehe na sha ovanhu a yandjwe kovanyasha va hiile mo. Ohiila nai ninge ombilixa,” ehangano osho la ti ngaho Etitano komalungula.
Ehangano ola ti omumbwe yomaumbo epangelo okuhiila oya fiya ovanhu vahapu vehe na ehoololo ashike ove na ashike okulikolelela mohiila yoshikondo shopaumwene.
Petameko lomwedi ou, oThe Namibian okwa li ya lopota kutya ovanyasha ovo hava longo mOvenduka otava hepekwa kondado yohiila neenghono nande ove na oilonga.
