Presidente Netumbo Nandi-Ndaitwah okwa twikila nolweendo laye lopambelewa moChina li na sha neyambulepo leliko, ta ningi omitumba neengeshefa da kula moChina opo a konge eemhito deengeshefa odo di na oinima ya fimana keyambukepo laNamibia.
Nandi-Ndaitwah okwa shakena novakalelipo vehangano ledina Sinonime Resources Group, Levol Agricultural Equipment, China National Chemical Engineering Corporation noChina-Africa Development Fund moBeijing onghela a kundafane kombinga yomakwatafano, elongelokumwe loikwafaabulika neemhito deengeshefa.
Eenghundafana okwa li unene di na sha nokunana eengeshefa odo tadi yambidida eendjodi depangelo nokukufa ombinga meyokomesho leliko laNamibia.
“Eenghundafana oda udaneka elitulemo laNamibia lokunana eengeshefa di na ongushu, okunghonopeka omalongelokumwe nokuyambula po eyokomesho leliko laaveshe olo tali eta omauwa e liwetikile kOvanamibia,” Ombelewa yaPresidente tai ti.
Eenghundafana odi li ombinga yetalelepo lopambelewa lapresidente koChina tali lalakanene okunghonopeka omakwatafano opaliko, okunana eengeshefa nokunghonopeka omalongelokumwe moikondo ya fimana yeliko.
