Ovanamibia ve li vahamano ova lopotwa va ndjondjelwa koMyanmar nove li momake etanga leameno koshilongo oko.
Omupopiliko wopolifi wopashiwana omupedu komisina Kauna Shikwambi okwa koleka kutya epangelo oli na eshiivo kombinga yoshikumungu eshi.
“Opolifi otai longele pamwe noministili yomakwatafano opaiwa noipindi.
Eenghendabala depangelo odi li metifa, nouyelele wa wedwa po otau dulu okumonika koministili yomakwatafano opaiwa,” Shikwambi osho a ti ngaho.
Omukulunhuwiliki woministili yomakwatafano opaiwana Ndiitah Nghipondoka-Robiati okwa koleka koThe Namibian kutya oministili oi na ouyelele wa pamba oshikumungu eshi.
“Ohatu longele kumwe nomahangano oveta omondjila kombinga yoshinima eshi, ohatu ka pitifa omukanda tu yandje ouyelele koshiwana mongula,” osho a ti ngaho.
Oshinima eshi oshe ya konima omutoti veta Job Amupanda a nyola komalungula kombinga yoshinima eshi.
Amupanda okwa ti, Ovanamibia ovo va ndjondjwa moshilongo ovo Tequisha Samuel (22) a dja koSwakopmund, Helena Nghifikwa (24) a dja mOvenduka, David Kamwi (26) a djka koKatima Mulilo, Julia Shityeni (29) a dja kEpalala, Immanuel Haufiku (31) a dja kOhakadu naAnanias Shaanikla (34) a dja mOvenduka.
Amupanda okwa weda po kutya ovanhu ava vahamano ove li koShwe Kokko Park popepi neengaba daThailand, onhele oyo i shiivikile oimbuluma ya longekidwa.
Okwa pa epangelo oushima shaashi ola mwena ashike kombinga yoshikumungu eshi nola dopa okukufa etokolo lomondjila li kwashilipaleke kutya Ovanamibia ava ova alukila keumbo ve li meameno.
“Aveshe vahamano ove na omwenyo, notwa pondola okupopya navo. Eshi tashi kumwifa osheshi kutya epangelo kali na eshi tali ningi po li alulile ounona vetu keumbo ve li meameno,” Amupanda osho a ti ngaho.
Ei ongudu onhivali yoonakuningwa oihakanwa ovo va ndjondjelwa koilongo yokoAsia.
Ovakwashiwana vahamano vaNamibia, vatano okudja koMyanmar naumwe okudja koLaos, okwa li va alulwa konima kwa li va ndjondjwa mo moshilongo pokati kaJuni 2024 naJuni 2025.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
