Ovanambele vepangelo vahetatu okwa li va kanifa oilonga yavo oshivike sha dja ko konima omuhona wavo, mopedu prima minista Natangwe Ithete, kwa li a kufwa moilonga kupresidente Oshoonda shinya sha dile ko.
Etokolo lapresidente Netumbo Nandi-Ndaitwah lokukufa Ithete moilonga ola kuma ovanambelewa ovo va hoololwa papolitika va longe naminista.
The Namibian okwa uda kutya ovanambelewa ava vahetau omwa kwatelwa omuyandjimayele, omuyakuli wopaumwene, oohamushanga vavali, omukulunhu wovanailonga, ovashingi vavali novateleki vavali.
Omuyandjimayele
nomuyakuli wopaumwene okwa li nalehava longo koshi yaminista mukulu Tom Alweendo.
Ithete okwa li a pewa oyeendifo i li itano, ashikeinashi yela kutya okwa li ha futwa ingapi.
Momudo 2016, omupedu prima minista mukulu Nandi-Ndaitwah, oo kwa li yoo ominista yomakwatafano opaiwana, okwa li ha mono oshimaliwa shi fike pomiliyona kodula.
Eshi osha kwatela mo ondjabi yoshimaliwa shi fike poN$850 000, ouwa woshimaliwa sheumbo shi fike poN$230 000 omangha osheendifo, otelefona, omeva nolusheno kwa li hai futwa kepangelo.
Ekufomoilonga laIthete otali ti ita ka mona vali omauwa oupedu prima minsita.
OKUMUNGU YOSWAPO
Swapo natango ina yandja nande oyelele kelelo laye nande vatioilyo imwe oya limbililwa kutya oshike lela sha ningwa po.
Ovanhu vomeni ova ti eshi oshinima shi nyanyalifa ashike oilyo imwe yoitai ya yooloka yongudu oya hala okuuda kutya oshike naana sha ningwa komunhu oo va hoolola a ye mopaliamente.
The Namibiaa okwa uda kutya okwa teelelika ku ka ningwe oshoongalele shokuyandja ouyelele moshivike omu, ashike nee, kapu na natango ekwatafanao lopambelewa la ningwa po fiyo opapa.
Omuunganeki wongudu koshitopolwahoololo sha||Kharas Mathew Mumbala okwa popila presidente wongudu, ta ti ina pumbwa okukundafana nomunhu kombinga yoshikumungu eshi ngee ina hala oku shi ninga.
Okwa ti ovanhu inava kendabala va ete omikundu inadi pumbiwa nava kale ashike ve litula mo moilonga yeekambaina opo va kwashilipaleke kutya ongudu oya mona omawi momahoololo omalelo oitopolwahoololo needoolopa.
“Kandi shii kutya oshike ovanhu vetu ve hole okuyandja omatomeno a nghundipala. Opo vali eshi a ulika omufimanekwa Ithete. Paife omolwashike presidente e na okufatulula etokolo laye?
“Paushili ina pumbwa oku tu fatululila kutya oshike a kufila etokolo eli.
Ngee okwa hala ondi shishii nawa kutya ota duluokushi ninga. Natu fimanekeni etokolo laye ponhele yokuninga omafeekelo,” Mumbala osho a ti ngaho.
Omuunganeki wopipambele yongudu koshitopolwahoololo shaKavango Uninginino Elina Mgano okwa koleka kutya kakwa li nande a pewa ouyelele kombinga yoshikumungu eshi nokwaanya okutya sha kombinga yasho.
Omuunganeki woipambele yongudu koKavango East koRundu yokodoolopa Gabriel Hakusembe naye okwa ti ina pewa nande ouyelele nokwa tumina oThe Namibian kuhamushangandjai woSwapo Sophia Shaningwa.
“Oilyo yongudu inai efa i xwaxwamekwe keelopota … lituleni moikonga yomahoololo,” osho a ti ngaho.
Omundjadjukununi woikwapolitika Ben Mulongeni okwa ti okukufa Ithete mopaliamnte kashi fi oshikumungu shongudu.
“Ngee ongudu oi wete ya fifwa ohoni, otai i dulu oku mu kufa mo mopaliamente, osha yela. Ashike kandi wete ngee ove na eenghono doku shi ninga,” osho a ti ngaho.
Omuprima minista mukulu Nahsa Angula pefimbo lomapulaapulo noDesert FM oshivike sha dja ko okwa ti opaliamente yopaife omo Swapo oye e na oilyo ihapu, otashi dulika shi kale osho sha xwaxwameka etokolo lapresidente.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
